હવે ઉત્તર પ્રદેશના પ્રધાનની બની રહી છે બાયોપિક

અલ્હાબાદના 43 વર્ષીય નેતા નંદ ગોપાલ ગુપ્તાની જિંદગી બૉલિવુડની ફિલ્મોની સ્ટોરીને ટક્કર મારે એવી છે. અને એટલે જ દિગ્દર્શક હુસેન નકવી તેમની જીવની પર આધારિત ફિલ્મ નંદી બનાવી રહ્યા છે. શુક્રવારે ગીતના રેકોર્ડથી ફિલ્મનો શુભારંભ કરાયો હતો.

ઉત્તર પ્રદેશના ધાકડ વિસ્તારમાં રહેતા પોસ્ટમેનના પુત્ર નંદ નાનપણથી જ માતાપિતાને આર્થિક રીતે સહાયરૂપ થવા વિવિધ પ્રકારના કામો કરતા હતા. આવી પરિસ્થિતિમાં તેમને એક યુવતી સાથે પ્રેમ થયો જેનો પરિવાર આ લગ્નના વિરોધમાં હતો. એટલું જ નહીં, કન્યાનો પરિવાર તો નંદની હત્યા કરવાની ફિરાકમાં હતો. દરમ્યાન નંદએ બિઝનેસની સાથે પોલિટિક્સમાં પણ કાઠું કાઢ્યું. 1989માં પહેલી જ ચૂંટણી લડી રહેલા નંદે ભાજપના દિગ્ગજ નેતા અને પ્રદેશાધ્યક કેશરીનાથ ત્રિપાઠી અને કોંગ્રેસના રીટા બહુગુણાને હરાવી જાયન્ટ કિલર બન્યા. એટલું જ નહીં, માયાવતીના પ્રધાનમંડળમાં પણ સ્થાન પામ્યા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.