મનોજ મુંતશિરની વાસ્તવિકતા સામે આવી, કુમાર વિશ્વાસનો ડાયલોગ ચોર્યો:ગજેન્દ્ર ચૌહાણ

મહાભારતમાં યુધિષ્ઠિર બનેલા ગજેન્દ્ર ચૌહાણ 'આદિપુરુષ'થી ખૂબ નારાજ છે. ગજેન્દ્રનું માનવું છે કે, આવી ફિલ્મો દેશની ધાર્મિક લાગણીઓની મજાક ઉડાવે છે. ગજેન્દ્રએ આદિપુરુષ અને તેમના લેખન પર મીડિયા સાથે વાતચીત કરી હતી

મીડિયા સાથેની વાતચીત દરમિયાન ગજેન્દ્ર કહે છે, સૌથી પહેલા હું કહેવા માંગુ છું કે રામાયણ અને મહાભારતની વાર્તાઓ આપણી સંસ્કૃતિ અને સભ્યતા સાથે જોડાયેલી છે. તેમની સાથે આ રીતે રમાયેલી રમત કોઈએ સહન ન કરવી જોઈએ. મહાભારત અને રામાયણ જોવાની વાત નથી પણ શીખવાની વાત છે. આપણે આને વારસા તરીકે આગામી પેઢીને આપીએ જઈએ છીએ. આ આપણા દેશની ધરોહર છે, જેનું રક્ષણ થવું જોઈએ. આમાંથી કોઈ ખોટો સંદેશ ન જવો જોઈએ.

ગજેન્દ્ર કહે છે કે, મેં આ ફિલ્મ જોવા માટે ટિકિટ પણ બુક કરાવી હતી, પણ ખબર નહીં કેમ મારો આત્મા એ વાત માટે રાજી નથી થઈ રહ્યો કે મારે તેને થિયેટરમાં જઈને જોવી જોઈએ. વાસ્તવમાં, મેં ટ્રેલરમાં, ટૂંકી ક્લિપ્સમાં જે કંઈ પણ જોયું છે, બધું જાણ્યા પછી, મને સમજાયું કે આ ફિલ્મ તેના માટે યોગ્ય નથી. હું મારી માન્યતાને બિલકુલ ખતમ કરવા માંગતો નથી. હું રામને માત્ર ભગવાન શ્રીરામના રૂપમાં જોવા માંગુ છું. હું માનું છું કે આની પાછળ ચોક્કસપણે કોઈ ઊંડું ષડયંત્ર છે, તેઓ આપણી ભાવિ પેઢીને બગાડવા માંગે છે. હું T-Series ના ભૂષણ જીને કહેવા માંગુ છું કે તેમના પિતાએ જે વારસો આગળ વધાર્યો છે અને જે રીતે તેમણે ધાર્મિક લાગણીઓનું ધ્યાન રાખ્યું છે, તેમણે આ બધી બાબતોનું ખૂબ જ ગંભીરતાથી ધ્યાન રાખવું જોઈએ. આવનારા સમયમાં આવી વસ્તુઓને બિલકુલ મહત્વ ન આપવું જોઈએ.

સંવાદોના સુધારા પર ગજેન્દ્ર કહે છે, જુઓ ધનુષમાંથી તીર નીકળી ગયું છે. જે નુકસાન થવાનું હતું તે થઈ ગયું. હવે તમે ગમે તેટલો સુધારો કરો, તે બદલાવાનું નથી. આનાથી કોઈ ફાયદો થશે નહીં. લોકો આદિપુરુષને સજા આપી ચૂક્યા છે. પહેલા દિવસનું કલેકશન અને આજના દિવસોના કલેકશનમાં ઘટાડો જુઓ. તેઓ સજાને પાત્ર છે, તેમને સજા થવી જ જોઈએ. જો કે સેન્સર બોર્ડના નિર્ણયથી હું આશ્ચર્યચકિત છું. તેમના પર પણ સવાલો ઉભા થવા જોઈએ. આ ફિલ્મ બિલકુલ રિલીઝ ન થવી જોઈતી હતી. આખી ફિલ્મ પર પ્રતિબંધ મૂકવો જોઈએ. સરકારે તાત્કાલિક આના પર રોક લગાવવી જોઈએ.

ગજેન્દ્ર આગળ કહે છે, મને લાગે છે કે મનોજ મુંતશિરે પોતાની અજ્ઞાનતા બતાવી છે. તેને ખરેખર કોઈ જ્ઞાન નથી. તેઓ ગીતકાર છે, તેમને સંવાદો લખવા આપી દીધા. જે વક્તા અને લેખકોના વીડિયો સોશિયલ મીડિયા પર ફરે છે, મુંતશિર સાહેબે ત્યાંથી સંવાદો ઉઠાવીને ફિલ્મમાં ઉમેર્યા છે. કુમાર વિશ્વાસનો ડાયલોગ છે 'તેરી લંકા લગા દૂંગા મેં'. આ બધું ઉમેરીને તેણે એવું બતાવવાનું શરુ કર્યું છે કે, આ બધું તેણે લખ્યું છે. તેમ છતાં પણ તે જીદ પર અડેલો છે, આવું અભિમાન કોઈપણ કલાકાર માટે યોગ્ય નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.