26th January selfie contest

ઉત્તરાયણના તહેવારે 'છપાક'ની કમાણી 2.55 કરોડ પણ 'તાનાજી'એ જાણો કેટલી કમાણી કરી

PC: google.com

‘તાનાજીઃ ધ અનસંગ વોરિયર’ ફિલ્મ ગયા શુક્રવારે રીલિઝ થઈ ગઈ છે. ફિલ્મમાં અજય દેવગણ, કાજોલ અને સૈફ અલી ખાન લીડ રોલમાં છે. આ ફિલ્મ મુગલો વિરુદ્ધ મરાઠાઓની સર્જિકલ સ્ટ્રાઈક પર આધારિત છે. ફિલ્મને લઈને લોકોના અને સમીક્ષકોના રિવ્યૂ સામે આવી રહ્યા છે. ટ્રેડ એનાલિસ્ટ તરન આદર્શે ફિલ્મને 4 સ્ટાર આપ્યા છે. સોશિયલ મીડિયા પર પણ ફિલ્મની સારી પ્રશંસા થઈ રહી છે.

શુક્રવારે રીલિઝ થયેલી અજય દેવગણ, કાજોલ અને સૈફ અલી ખાનની ફિલ્મ 'તાનાજીઃ ધ અનસંગ વૉરિયર' ફિલ્મે બોક્સઓફિસ પર સારી શરૂઆત કરી છે. પહેલા દિવસે 15.10 કરોડ, બીજા દિવસે 20.57 કરોડ, ત્રીજા દિવસે 26.26 કરોડ, ચોથા દિવસે 13.75 કરોડની કમાણી કરનારી ફિલ્મ 'તાનાજી' પાંચમા દિવસે એટલે કે ઉત્તરાયણના દિવસે 15.28 કરોડની કમાણી કરી હતી. આ સાથે જ ફિલ્મની કુલ કમાણી 90.96 કરોડે પહોંચી ગઈ છે અને આજે આ ફિલ્મ 100 કરોડ ક્લબમાં પણ શામેલ થઇ જશે. દીપિકાની છપાક ફિલ્મે ઉત્તરાયણના પર્વે ફક્ત 2.55 કરોડની જ કમાણી કરી હતી.

કેવી છે તાનાજી, વાંચો રિવ્યૂ...

કહાની:

ઓમ રાઉતના ડાયરેક્શનમાં બનેલી આ ફિલ્મમાં અજય દેવગણ સૂબેદાર તાનાજી માલુસરેની ભૂમિકામાં જોવા મળશે. સાથે જ સૈફ અને કાજોલની પણ ફિલ્મમાં મહત્વની ભૂમિકા છે. કાજોલ અને અજય 9 વર્ષ બાદ મોટા પરદે સાથે જોવા મળશે. ફિલ્મમાં શરદ કેલકર અને પંકજ ત્રિપાઠી પણ છે. આ ફિલ્મ તાનાજી માલુસરે પર આધારિત છે, જે છત્રપતિ શિવાજી મહારાજની સેનાના લીડર હતા. તાનાજીને 1670માં સિંહગઢ઼ની લડાઈ માટે ઓળખવામાં આવે છે. જ્યાં તેઓ જય સિંહની સામે લડ્યા હતા.

ફિલ્મમાં તાનાજી(અજય)એ છત્રપતિ શિવાજી મહારાજ(શરદ કેલકર) માટે ઔરંગઝેબ(લ્યૂક કેની) અને તેના ખાસ માણસ ઉદયભાન રાઠોડ(સૈફ અલી ખાન) સામે લડાઈ લડે છે. ઔરંગઝેબ પૂરા હિંદુસ્તાન પર કબ્જો કરવા માગે છે. પણ શિવાજીના ખાસ તાનાજી તેને રોકવા માટે પોતાની જાન દાવ પર લગાવી દે છે. તાનાજી અને ઉદયભાન વચ્ચેની લડાઈનું પરિણામ શું આવશે તેના માટે ફિલ્મ જોવી પડશે.

પર્ફોમન્સઃ

તાનાજીના પાત્રમાં અજયે સારું કામ કર્યું છે. પણ તેને જોઈને બાજીરાવ સિંઘમની યાદ તમને જરૂર આવશે. તો ફિલ્મમાં કાજોલે સાવિત્રી બાઈની ભૂમિકા ભજવી છે, જે તાનાજીની પત્ની છે. કાજોલ જે પણ સીનમાં જોવા મળે છે તેને પોતાનો બનાવી લે છે.

તો બીજી બાજુ નેગેટિવ રોલમાં સૈફ અજયને બરોબરીની ટક્કર આપે છે. સૈફ જ્યારે પરદા પર હોય છે તો અન્ય એક્ટર પર તમારું ઘ્યાન જશે પણ નહિ. અજય અને સૈફની ટક્કરમાં સૈફ તેના પર ભારી પડી જાય છે. તેની ડાયલોગ ડિલીવરીથી લઈને તેની સનક સુધી તે પ્રશંસાને પાત્ર છે.

જો તમે વીકેન્ડ પર ફ્રી છો તો અજય અને સૈફની ફિલ્મ જોઈ શકાય એમ છે.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp