ફાર્મા કંપનીના ખર્ચે વિદેશ જલસા કરવા ગયેલા 30 તબીબો ભેરવાશે

અમેરિકાની જાણીતી ફાર્મા કંપનીની ભારતની શાખા એબવી હેલ્થકેરે 30 ડોકટર્સને કંપનીના ખર્ચે વિદેશ મોકલ્યા હોવાની વાત સામે આવી છે. ભારતના ફાર્મા વિભાગને કોઇએ અનામી પત્ર લખ્યો હતો અને જાણકારી આપી હતી સાથે ડોકટરોની ફલાઇટની ટિકીટ, હોટલનો બિલો બધુ પુરાવા તરીકે મોકલવામાં આવ્યુ હતું.

 કંપનીએ 24 ડોકટર્સને પેરિસ મોકલ્યા હતા અને 6 ડોકટર્સને મોનાકો મોકલ્યા હતા. કંપનીના કહેવા મુજબ તબીબોને બોટોક્સ અને  જુવેડર્સની માહિતી મેળવવા માટે મોકલાયા હતા. જો કે આ ભારતના યુનિફોર્મ કોડ ફોર ફાર્માસ્યુટીકલ માર્કેટીંગ પ્રેકટીસીઝના નિયમોનું ઉલ્લંઘન છે. ભારતના ફાર્મા વિભાગે નેશનલ મેડિકલ કમિશનને આ તબીબો સામે પગલા લેવા કહ્યું છે અને ટેક્સ વિભાગને પણ તબીબોની તપાસ કરવા કહ્યું છે.જો ભારત આ કાર્યવાહી કરશે તો યુનિફોર્મ કોડ મુજબની આ પહેલી કાર્યવાહી હશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.