અમદાવાદ: ક્રિકેટના મેદાન પર 34 વર્ષીય વસંત રાઠોડનું મોત, હાર્ટ એટેકથી ગયો જીવ

સ્ટેટ ગુડ્સ એન્ડ સર્વિસ ટેક્સ (SGST) વિભાગના 34 વર્ષીય સિનિયર ક્લાર્ક વસંત રાઠોડનું શનિવારે ક્રિકેટ રમતા હાર્ટ એટેકથી મૃત્યુ થયું હતું. અમદાવાદ નજીક ભાડજમાં ડેન્ટલ કોલેજના રમતના મેદાનમાં આ ઘટના બની હતી. માહિતી અનુસાર ગુજરાતમાં 10 દિવસમાં આ ત્રીજી ઘટના છે.

એસજીએસટીના એક વરિષ્ઠ અધિકારીએ જણાવ્યું હતું કે, મેચ દરમિયાન, રાઠોરની ટીમ ફિલ્ડિંગ કરી રહી હતી. જ્યારે તે ક્રિઝની નજીક બોલિંગ કરી રહ્યો હતો ત્યારે તે સ્વસ્થ દેખાતો હતો. જો કે, તેને અચાનક છાતીમાં તીવ્ર દુખાવો થયો અને તે પડી ગયો. તેમના સાથી ખેલાડીઓ તેને બચાવવા દોડી ગયા.

રાઠોડને સૌપ્રથમ ડેન્ટલ કોલેજમાં લઈ જવામાં આવ્યા હતા જ્યાં મેચ યોજાઈ હતી. જો કે, તેનું ઓક્સિજનનું સ્તર ઘટી જતાં તેને સોલા સિવિલ હોસ્પિટલમાં લઈ જવામાં આવ્યો, જ્યાં તેણે અંતિમ શ્વાસ લીધા. વસ્ત્રાપુરના રહેવાસી રાઠોડ અમદાવાદમાં SGST હેડક્વાર્ટરના યુનિટ 14માં પોસ્ટેડ હતા. તેમના પરિવારમાં તેમની પત્ની છે.

એક અઠવાડિયા પહેલા, બે અલગ-અલગ ઘટનાઓમાં, રાજકોટના રહેવાસી 27 વર્ષીય પ્રશાંત ભરોલિયા અને સુરતના રહેવાસી 31 વર્ષીય જીજ્ઞેશ ચૌહાણનું હૃદયરોગના હુમલાથી મૃત્યુ થયું હતું. આ બંને લોકોએ ક્રિકેટ રમ્યા બાદ છાતીમાં દુખાવાની ફરિયાદ કરી હતી. તેમને ચક્કર આવવા લાગ્યા અને સારવાર દરમિયાન તેમનું તુરંત મોત થયું.

શહેરના કાર્ડિયોલોજિસ્ટ્સ જણાવે છે કે યુવાન લોકોમાં અચાનક કાર્ડિયાક અરેસ્ટના કેસ વધી રહ્યા છે. તેમણે કહ્યું, શરીરમાં અચાનક શ્રમથી લઈને હાઈ બ્લડ પ્રેશર વધવા સુધીના કારણો અલગ અલગ હોય છે. નિયમિત ચેક-અપનો અભાવ એ એક કારણ તરીકે જોઈ શકાય છે કે દર્દીઓ ઘણીવાર અજાણતા પકડાય છે. તાજેતરની કેટલીક ઘટનાઓમાં મૃત્યુનું કારણ યોગ્ય તબીબી તપાસ પછી જ શોધી શકાય છે. તેમ છતાં, કારણ શોધવા એ સમયની જરૂરિયાત છે, ખાસ કરીને જ્યારે વ્યક્તિ ડાયાબિટીસ ધરાવે છે, નિયમિતપણે ધૂમ્રપાન કરે છે અથવા આલ્કોહોલનું સેવન કરે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.