બિન સચિવાલય એક્ઝામ વિવાદઃ ઉમેદવારોને પોલીસે દોડાવી-દોડાવીને ફટકાર્યા

રાજ્યમાં બિન સચિવાલય ક્લાર્કની પરીક્ષામાં ગેરરીતિ થવાના મામલે વિદ્યાર્થીઓ શાંત થાય એવું લાગી રહ્યું નથી. તેઓ સખત વિરોધ કરી રહ્યા છે. તે પગલે રાજ્યભરમાંથી વિદ્યાર્થીઓએ ગેરરીતિ મામલે વિરોધ પ્રદર્શન કર્યું હતું. વિરોધને પગલે ગાંધીનગર ગૌણ સેવા પસંદગી મંડળની ઓફિસ અને કર્મચારી ભવનને ચુસ્ત પોલીસ બંદોબસ્ત હેઠળ રાખવામાં આવ્યુ હતું,

ગાંધીનગરમાં વિરોધ કરી રહેલા અનેક ઉમેદવારોને પોલીસે દોડાવી દોડાવીને દંડાથી ફટકાર્યા હતા અને અનેક ઉમેદવારોની અટકાયત કરી લેવામાં આવી હતી. ઘણા વિદ્યાર્થીઓ આમાં ઇજાગ્રસ્ત પણ થયા હતા. પોલીસે અનેક વિદ્યાર્થિનીઓની પણ અટકાયત કરી હતી.

ગેરરીતિ મામલે વિરોધ જાહેર કરવા રાજ્યમાંથી વિદ્યાર્થીઓ ગાંધીનગર પહોંચી રહ્યા છે. જેમાં વિરોધ કરી રહેલા મોટા ભાગના વિદ્યાર્થીઓની પોલીસે અટકાયત પણ કરી હતી. ન્યાયની માગણી કરી રહેલા વિદ્યાર્થીઓને પોલીસે પકડી પકડીને પોલીસ વેનમાં બેસાડ્યા હતાં.

વિપક્ષે પણ બિન સચિવાલય ક્લાર્કની ગેરીરતિ મામલે રૂપાણી સરકારને બાનમાં લીધી છે. કોંગ્રેસ નેતા કગથરાએ કહ્યું હતું કે, જો સરકાર 410 લાખથી વધુ વિદ્યાર્થીઓને ન્યાય ન આપી શકે તો સરકાર શું કામની? એક બાજુ નિયમ રદ્દ કરો છો અને પછી પરીક્ષા ફરી લેવાની સરકારમાં ત્રેવડ નથી.

સરકાર સમક્ષ વિરોધ પ્રદર્શન કરવા મોટી સંખ્યામાં પરીક્ષાર્થીઓ ગાંધીનગરના રસ્તા પર ઉતર્યા હતાં.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.