ગુજરાતના બેંક કૌભાંડી સાંડેસરા બ્રધર્સે બે મહિનામાં 34 કરોડનું દેવું ચૂકતે કરવું

ડેબ્ટ રિકવરી ટ્રિબ્યુનલ (DRT)ની અમદાવાદ બેંચે સ્ટર્લિંગ ઓઈલ રિસોર્સ લિમિટેડ અને તેના ડાઇરેક્ટર નીતિન સાંડેસરા અને ચેતન સાંડેસરાને રાષ્ટ્રીયકૃત બેન્કોના 343.36 કરોડ રૂપિયાનું દેવું બે મહિનામાં ચૂકવવાનો આદેશ આપ્યો છે. ડીઆરટીના પ્રિસાઈડિંગ ઓફિસર લક્ષ્મણ મદનાનીએ બેંક ઓફ બરોડાના એડવોકેટ ભાસ્કર શર્મા દ્વારા કંપનીની ગીરો મૂકેલી સંપત્તિ વેચીને બાકી રકમની વસૂલાત માટે દાખલ કરેલી અરજીના આધારે રિકવરી સર્ટિફિકેટ સાથેનો આદેશ જારી કર્યો હતો. 

આ કેસમાં, બેંક ઓફ બરોડા અને અન્ય બેન્કોએ 2009માં 283.64 કરોડ રૂપિયા અને 76.40 કરોડ રૂપિયાની ટર્મ લોન લેન્ડ કરી હતી અને બાદમાં કંપનીએ ફંડ્સ એવી સંસ્થાઓમાં ડાયવર્ટ કરી હતી જ્યાં તેના ડાઇરેકટર્સનું હિત હતું. તેથી, બેંકે વસૂલાતની કાર્યવાહી શરૂ કરી છે. CBIએ સાંડેસરા ગ્રૂપની ફ્લેગશિપ કંપની સ્ટર્લિંગ બાયોટેક લિમિટેડ, તેના ડાઇરેક્ટરો અને અન્ય સામે ગુનાહિત કાવતરું, છેતરપિંડી, બનાવટી અને ગુનાહિત ગેરવર્તણૂક દ્વારા આંધ્ર બેંકના નેતૃત્વ હેઠળની બેંકોને ખોટી રીતે નુકસાન પહોંચાડવા બદલ કેસ નોંધ્યો હતો. CBI દ્વારા નોંધાયેલી એફઆઈઆરમાં સ્ટર્લિંગ ઓઈલ રિસોર્સિસ સહિતની અન્ય ગ્રુપ કંપનીઓના નામનો પણ ઉલ્લેખ કરવામાં આવ્યો છે, જેમાં 5,383 કરોડ રૂપિયાની રકમ સામેલ છે.

સાંડેસરા ગ્રુપે કથિત રીતે રાષ્ટ્રીયકૃત બેંકો સાથે 15,000 કરોડની છેતરપિંડી કરી હતી અને તેના ડાઇરેક્ટર નીતિન સાંડેસરા અને તેના ભાઈ ચેતન સાંડેસરાને તપાસ એજન્સીઓએ ભાગેડુ જાહેર કર્યા છે. વડોદરામાં તેમની નોંધાયેલ ઓફિસ છે. સાંડેસરા પરિવાર 2017માં દેશમાંથી ભાગી ગયો હતો અને હવે અલ્બેનિયામાં સ્થાયી થયો હોવાનું કહેવાય છે. CBI અને ED આ કેસની તપાસ કરી રહી છે અને સાંડેસરસની મિલકતો તેમના દ્વારા જપ્ત કરવામાં આવી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.