LIVE: ગુજરાતની 6 મહાનગરપાલિકાની ચૂંટણીના પરિણામની પળેપળની માહિતી

21 નવેમ્બરના રોજ યોજાયેલી 6 મહાનગરપાલિકાની ચૂંટણીની મત ગણતરી શરૂ થઇ ગઈ છે. અમદાવાદની વાત કરવામાં આવે તો અમદાવાદમાં બે જગ્યા પર 48 વોર્ડની મત ગણતરી થઇ રહી છે. અમદાવાદમાં ગુજરાત કોલેજ અને LD એન્જિનિયરિંગ મત ગણતરી શરૂ છે. મત ગણતરી કરવા માટે બંને જગ્યા પર 8-8 કાઉન્ટીંગ સેન્ટરની સુવિધા ઉભી કરવામાં આવી છે. તમામ જગ્યા પર CCTV કેમરાથી પણ નજર રાખવામાં આવી છે અને અલગ-અલગ પોઈન્ટ પર પોલીસનો બંદોબસ્ત પણ ગોઠવવમાં આવ્યો છે.

ગુજરાત કોલેજમાં અમદાવાદમાં સાબરમતી. ચાંદખેડા, રાણીપ, ઘાટલોડિયા, ચાંદલોડિયા, ગોતા, દાણીલીંબડા, જોધપુર, ઇસનપુર, મણીનગર, વેજલપુર, સરખેજ, નવા વાડજ, નારણપુરા, સ્ટેડિયમ, અમરાઈવાળી, ભાઈપુરા-હાટકેશ્વર, ખોખરા, નિકોલ, વિરાટનગર, ઓઢવ, શાહપુર. શાહીબાગ અને અસારવા વોર્ડની મત ગણતરી થઈ રહી છે. LD કોલેજમાં થલતેજ, મક્તમપુરા, ઇન્દ્રપૂરી, વસ્ત્રાલ, રામોલ-હાથીજણ, સરદારનગર, કુબેરનગર, નરોડા, દરિયાપુર, ખાડીયા, જમાલપુર, સૈજપુર-બોઘા, ઇન્ડિયા કોલોની, ઠક્કરબાપાનગર, બહેરામપુરા, લાંભા, વટવા, પાલડી, વાસના, બાપુનગર, સરસપુર-રખિયાલ અને ગોમતીપુર વોર્ડની મત ગણતરી થઇ રહી છે. વડોદરામાં પણ પોલિટેકનીકલ કોલેજ ખાતે મત ગણતરી શરૂ થઇ ગઈ છે. પહેલા રાઉન્ડની મત ગણતરીમાં વોર્ડ નંબર 1, 4, 7, 10, 13 અને 16ના પરિણામ આવશે. બીજા રાઉન્ડની મત ગણતરીમાં વોર્ડ નંબર 2, 5, 8, 11, 14 અને 17ના પરિણામ જાહેર થશે અને ત્રીજા રાઉન્ડની મત ગણતરીમાં વોર્ડ નંબર 3, 6, 9, 12, 15, 18 અને 19ના પરિણામ જાહેર થશે.

સુરતમાં પણ ગાંધી એન્જિનિયરિંગ કોલેજ અને SVNIT ખાતે પણ મત ગણતરી શરૂ થઇ ગઈ છે. ગાંધી એન્જિનિયરિંગ કોલેજમાં 14 વોર્ડની મત ગણતરી ચાલી રહી છે અને SVNITમાં 16 વોર્ડના મતની ગણતરી ચાલી રહી છે. બંને મત ગણતરી કેન્દ્રો પર પોલીસનો ચૂસ્ત બંદોબસ્ત ગોઠવી દેવામાં આવ્યો છે. લગભગ બપોરના બે વાગ્યા સુધીમાં તમામ વોર્ડના પરિણામ આવી જાય તેવી પણ શક્યતા વ્યક્ત કરવામાં આવી રહી છે. ઉમેદવારો અને એજન્ટો મતનું પરિણામ જોઈ શકે તે માટે મત ગણતરી કેન્દ્રોની બહાર LED સ્ક્રીનની પણ વ્યવસ્થા કરવામાં આવી છે. તો બીજી તરફ કોરોનાની મહામારીને ધ્યાનમાં લઇને માસ્ક અને સેનિટાઈઝરની વ્યવસ્થા પણ કરવામાં આવી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.