26થી 28 ડિસેમ્બર ગુજરાતમાં માવઠું થવાની હવામાન વિભાગની આગાહી

ગુજરાતમાં ઘણા બધા જિલ્લાઓમાં તાપમાનનો પારો ગગડી રહ્યો છે અને લોકો ઠંડીનો અનુભવ કરી રહ્યા છે. એવા સમયે ગુજરાતના હવામાન વિભાગે 26થી 28 ડિસેમ્બર 3 દિવસ ગુજરાતમાં માવઠાની આગાહી કરી છે. પવનની દિશા બદલાવવાની સાથે ઉત્તર-પૂર્વના ઠંડા પવનો ફુંકાવવાની સાથે 26 ડિસેમ્બરથી વાતાવરણમાં પલટો આવશે.

26 અને 27 ડિસેમ્બરે કચ્છ, બનાસકાંઠા, સાબરકાંઠા, અરવલ્લી, મહીસાગર, પંચમહાલ, દાહોદ, છોટા ઉદેપુર, નર્મદા, સુરત, તાપી, ડાંગ, નવસારી, વલસાડ અને દાદરા નગર હવેલીમાં કમોસમી વરસાદ પડશે જ્યારે 28 ડિસેમ્બરે કચ્છ, નવસારી, ડાંગ, સુરત, વલસાડ અને દાદરા નગર હવેલીમાં વરસાદ પડશે એમ હવામાન વિભાગે આગાહી કરી છે.

રાજકોટમાં 9 ડીગ્રી લઘુત્તમ તાપમાન જોવા મળી રહ્યું છે જયારે નલિયામાં 7 ડિગ્રી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.