રાજકોટ કોન્સ્ટેબલ અને ASI કેસમાં વળાંક, મોડી રાત્રે કાર બિલ્ડિંગની બહાર ગઈ અને..

રાજકોટના યુનિવર્સિટી પોલીસ સ્ટેશનમાં ફરજ બજાવતા મહિલા ASI ખુશ્બુ કાનાબાર અને ડી સ્ટાફના કોન્સ્ટેબલ તરીકે ફરજ બજાવતા રવિરાજસિહ જાડેજાએ કાલાવાડ રોડ પર આવેલી કોસ્મો ચોકડી પાસે પંડિત દિનદયાલનગર ગુજરાત હાઉસિંગ બોર્ડ ક્વાર્ટરના ચોથા માળે રહેતી ASI ખુશ્બુ કાનાબારના ઘરે જ ગુરુવારે મહિલા ASIની સર્વિસ રિવોલ્વરમાંથી ગોળી મારીને આપઘાત કરી લીધો હતો. બંનેના મૃતદેહ મહિલા ASI ખુશ્બુના ફ્લેટમાંથી મળી આવ્યા હતા. પોલીસને જ્યારે મૃતક ASI ખુશ્બુની સર્વિસ રિવોલ્વર મળી હતી. તેમાંથી બે રાઉન્ડ ફાયરીંગ થયું હોવાનું જાણવા મળ્યું હતું. ઘટનાને પગલે JCP સહિતના ઉચ્ચ પોલીસ અધિકારીઓ ઘટના સ્થળે પહોંચ્યા હતા અને સમગ્ર મામલે તપાસ શરૂ કરી હતી.

આ ઘટના પછી આવી બીજી કોઈ પણ ઘટના ન બને તે માટે રાજકોટ પોલીસ દ્વારા નિર્ણય લેવામાં આવ્યો છે કે, રાજકોટના તમામ પોલીસ સ્ટેશનમાં ફરજ બજાવતા ASI અને જમાદાર પોતાની સર્વિસ રિવોલ્વર ઘરે નહીં લઈ જઈ શકે. ફરજ પૂર્ણ થયા પછી ASI અને જમાદારે પોલીસ સ્ટેશનમાં પોતાનું હથિયાર જમા કરાવવું પડશે.

હાલ મહિલા ASI અને કોન્સ્ટેબલના આપઘાતને લઇને પોલીસ દ્વારા તપાસનો ધમધમાટ શરૂ કરવામાં આવ્યો છે. જેમ જેમ પોલીસની તપાસ આગળ વધતી જાય છે. તેમ તેમ નવા ખૂલાસાઓ થતા જાય છે. પોલીસ તપાસમાં જણાવવા મળ્યું છે કે, રાજકોટમાં મહિલા ASIના ઘરેથી એક રિવોલ્વર મળી આવી છે. આ રિવોલ્વર ASI વિજય કુછડીયાની હોવાનું સામે આવ્યું છે. બીજી તરફ પોલીસે પંડિત દિનદયાલ આવાસમાં લાગેલા CCTV કેમરાની પણ ચકાસણી કરી હતી. આ CCTV ફૂટેજમાં મોડી રાત્રે એક કાર બેથી ત્રણ વખત બિલ્ડીંગમાંથી બહાર જતી અને અંદર આવતી દેખાઈ હતી. જેના કારણે કારચાલક શંકાના દાયરામાં આવ્યો છે. હાલ પોલીસ કાર ચાલકની પણ શોધખોળ શરૂ કરી છે. આ શંકાસ્પદ કાર મૃતક કોન્સ્ટેબલ રવિરાજસિહ જાડેજાનો પીછો કરતી પણ દેખાઈ હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.