બીટનું જ્યૂસ કસરત પછી લાગતો થાક ઘટાડે છે

જીમમાં કસરત કર્યા બાદ અથવાતો એકાદ કલાક ઘેર યોગાભ્યાસ કર્યા બાદ જો થાક લાગતો હોય તો હવે પ્રોટીનની ચોકલેટ ખાવાનું છોડી દેવાનો સમય આવી ગયો છે કારણકે આપણને મળી ગયું છે થાક ઉતારવાનો એક કુદરતી ઉપાય. આ ઉપાયનું નામ છે બીટ! અત્યારસુધીના સર્વેક્ષણમાં એવું સાબિત થયું હતું કે બીટ એ શરીર અને મગજની સુખાકારી માટે શ્રેષ્ઠ છે, પરંતુ એક નવા સર્વેક્ષણ અનુસાર બીટ એ કસરત કર્યા પછી લાગતો થાક ઘટાડવામાં પણ એટલીજ મદદ કરે છે.

યુનિવર્સીટી ઓફ નોર્થમબ્રિયાના વૈજ્ઞાનિકોએ શારીરિકરીતે એક્ટીવ એવા 30 પુરુષો જેમની ઉંમર 18 અને 28 વર્ષ વચ્ચેની હતી અને અઠવાડિયામાં બે વખત કસરત કરતા હતા તેમના પર આ રીસર્ચ કર્યું હતું. આ તમામને પોતાના પગ પર ભાર આવે એ રીતે સતત 100 વખત ઝડપથી કુદકા મારવાની કસરત કરવાનું કહેવામાં આવ્યું હતું.

આ તમામને આગલા ત્રણ દિવસ સુધી ઉપર જણાવ્યા અનુસાર સઘન કસરત કર્યા બાદ 200 મીલી બીટરૂટ જ્યૂસ અથવાતો 125 મીલી બીટરૂટ જ્યૂસ અને પ્લેસબો નામની એક દવા લેવાનું કહેવામાં આવ્યું હતું. આ સંશોધન કરનાર ટીમના લીડર ડોક્ટર ટોમ ક્લીફર્ડના કહેવા અનુસાર ત્રણ દિવસ સતત આ પ્રમાણે માત્ર બીટરૂટ જ્યૂસ લેનારા વ્યક્તિઓના મસલ્સને થાકમાંથી તુરંત રાહત થતી જોવા મળી હતી જે બીટરૂટ અને પ્લેસબો દવા બંને લેનાર વ્યક્તિઓ કરતા 18% ઝડપી હતી.

ડોક્ટરનું કહેવું છે કે જે વ્યકિતને કસરત કરવા માટે ઓછો સમય મળતો હોય તેના માટે કસરત કર્યા બાદ બીટનો જ્યૂસ પીવો સલાહભર્યું રહેશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.