હવે માત્ર O બ્લડ ગ્રુપ નહીં પરંતુ આ બ્લડ ગ્રુપને પણ બનાવાયું યુનિવર્સલ ડોનર બ્લડ
દુનિયામાં હવે માત્ર બ્લડ ગ્રુપ O જ યુનિવર્સલ ડોનર નથી રહ્યા, તેમને સાથ આપવા માટે બ્લડ ગ્રુપ A પણ આવી ચૂક્યું છે. કેનેડાના વૈજ્ઞાનિકોએ ખાસ રીતના બેક્ટેરિયલ એન્ઝાઈમનો ઉપયોગ કરીને બ્લડ ગ્રુપ Aને યુનિવર્સલ ડોનર બનાવી દીધો છે. મતલબ હવે હોસ્પિટલોમાં લોહીની કમીને લીધે લોકોના ઓછા મોત થશે. વધારેમાં વધારે લોકોને લોહી મળી શકશે. તો ચાલો જાણી લઈએ કે વૈજ્ઞાનિકોની આ ઉપલબ્ધિથી સામાન્ય વ્યક્તિને શું ફાયદો થશે.
માત્ર અમેરિકામાં જ કોઈ પણ દિવસ ઈમરજન્સી સર્જરી, શિડ્યુલ ઓપરેશન અને રૂટીન ટ્રાન્સફ્યુઝન માટે 16500 લિટર લોહીની જરૂર પડતી રહે છે. પરંતુ દર્દીને કોઈ પણ લોહી આપી શકાય તેમ નથી. સફળ ટ્રાન્સફ્યુઝન માટે જરૂરી છે ડોનરનું બ્લડ ગ્રુપ દર્દીના બ્લડ ગ્રુપ સાથે મેચ ખાતું હોવું જોઈએ. હવે વૈજ્ઞાનિકોએ વ્યક્તિના આંતરડામાં એવા માઈક્રોબ્ઝ શોધ્યા છે બે રીતના એન્ઝાઈમ કાઢે છે. આ એન્ઝાઈમની મદદથી વૈજ્ઞાનિકોએ ટાઈપ-A એટલે કે બ્લડ ગ્રુપ Aને યુનિવર્સલ ડોનરમાં બદલી નાખ્યો છે.
A revolution in blood donation and transfusion may be on the horizon. That's the goal of researchers studying a process that converts the common blood type A into a more universally accepted type. https://t.co/k6OaBVrWQF #WorldHealthDay
— AAAS (@aaas) April 7, 2021
મેરીલેન્ડ સ્થિત નેશનલ ઈન્સ્ટીટ્યૂટ ઓફ હેલ્થ ક્લિનીક સેન્ટરના બ્લડ ટ્રાન્સફ્યુઝન એક્સપર્ટ હાર્વે ક્લેન કહે છે કે આવું પહેલી વખત કરવામાં આવી રહ્યું છે. જો આ પ્રક્રિયા મોટા પાયે સફળતા અપાવે છે તો નક્કી આ મેડિકલ સાયન્સમાં મોટું પગલું હશે. વ્યક્તિમાં ચાર ટાઈપના બ્લડ ગ્રુપ હોય છે- A, B, AB અથવા O. તેમને લાલ કોશિકાઓની ચારે બાજુ હાજર શુગર મોલીક્યુલ્સ કણોથી ઓળખવામાં આવે છે. જો કોઈ વ્યક્તિ જેનું બ્લડ ગ્રુપ A છે અને તેને બ્લડ ગ્રુપ બનું લોહી આપી દેવામાં આવે તો આ શુગર મોલીક્યુલ્સ કણ જેને બ્લડ એન્ટીજન કહેવામાં આવે છે, તે RCB પર હુમલો કરી દે છે. ઈમ્યુન સિસ્ટમ કામ કરવાનું બંધ કરી દે છે અને ગંભીર પરિસ્થિતિમાં માણસનું મોત પણ થઈ શકે છે.
બ્લડ ગ્રુપ Oમાં એન્ટીજનની કમી હોય છે. આથી આ બ્લડ ગ્રુપ અત્યાર સુધી યુનિવર્સલ ડોનર બન્યો હતો. સામાન્ય રીતે આ લોહીની માંગ હોસ્પિટલોમાં સૌથી વધારે રહે છે કારણ કે ઓપરેશન થિયેટરમાં ઘણી વખત એક્સિડન્ટ પીડતોનું બ્લડ ગ્રુપ તપાસવાની તક મળતી નથી. ન્યૂયોર્ક બ્લડ સેન્ટરના રેડ બ્લડ સેલ ફિઝીયોલોજીસ્ટ મોહમદાન નારલા કહે છે કે અમેરિકા સહિત આખી દુનિયામાં બ્લડ ગ્રુપ Oની કમી રહે છે.
આ કમીને પૂરી કરવા માટે વૈજ્ઞાનિકોએ બ્લડ ગ્રુપ Aના એન્ટીજનને હટાવી શક્યા. પરંતુ આ કામમાં તેમને હજુ સફળતા મળી નથી. ચાર વર્ષના પ્રયાસો પછી કેનેડાના વાનકુંવર સ્થિત યુનિવર્સિટી ઓફ બ્રિટિશ કોલંબિયાના કેમિકલ બાયોલોજીસ્ટ સ્ટીફન વિથર્સે આ એન્ઝામ્સને શોધ્યું જે બ્લડ ગ્રુપ એને યુનિવર્સલ ડોનરમાં બદલી શકે છે. પરંતુ હજુ તેમાં વધારે શોધ કરવાની જરૂર છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp