આફ્રિકન દેશથી આવેલા ચિત્તાઓના મોદી સરકારે બદલ્યા નામ, જાણો શું રાખ્યું

મધ્ય પ્રદેશના કૂનો નેશનલ પાર્કમાં નામીબિયા અને દક્ષિણ આફ્રિકાથી લાવવામાં આવેલા ચિત્તાઓના હવે નવા નામ રાખવામાં આવ્યા છે. વડાપ્રધાન નરેન્દ્ર મોદી દ્વારા 25 સપ્ટેમ્બર 2022ના રોજ પોતાના ‘મન કી બાત’ કાર્યક્રમમાં ચિત્તા પરિયોજનાને સામાન્ય જનતામાં લોકપ્રિય બનાવવા અને લોકોને તેના પ્રત્યે સંવેદનશીલ બનાવવાના ઇરાદે નામીબિયા અને દક્ષિણ આફ્રિકાથી લાવવામાં આવેલા ચિત્તાઓ માટે નવા નામોના સૂચનો આપવા કહેવામાં આવ્યું હતું.

નામીબિયાથી લાવવામાં આવેલી માદા ચિત્તાનું નામ આશા, સાવનાનું નામ નભા, તિબલિસનું ધાત્રી, સિયાયાનું જ્વાળા રાખવામાં આવ્યું છે. તો નર ચિત્તા ઓબાનનું નામ પવન, એલ્ટનનું નામ ગૌરવ અને ફ્રેડીનું નામ હવે શૌર્ય રાખવામાં આવ્યું છે. ઉલ્લેખનીય છે કે ઓબાનનું નામ વડાપ્રધાન નરેન્દ્ર મોદીએ રાખ્યું હતું. કૂનો નેશનલ પાર્કમાં દક્ષિણ આફ્રિકાથી લાવવામાં આવેલા ચિત્તાઓનું નામ પણ બદલી દેવામાં આવ્યું છે. દક્ષિણ આફ્રિકાથી આવેલી માદા ચિત્તાનું નવું નામ હવે દક્ષા રાખવામાં આવ્યું છે.

તો નર ચિત્તાનું નામ વાયુ અને અગ્નિ રાખવામાં આવ્યું છે. મંત્રાલયે જણાવ્યું કે, વૉટરબર્ગ રિઝર્વથી લાવવામાં આવેલી વયસ્ક માદાનું નામ ધીરા, વયસ્ક નરનું નામ ઉદય, પ્રભાસ અને ત્રીજા ચિત્તાનું નામ પાવક રાખવામાં આવ્યું છે. ચિત્તાઓના નામકરણને લઈને ભારત સરકારના મંચ mygov.in પર 26 સપ્ટેમ્બરથી 31 ઓક્ટોબર 2022 સુધી એ પ્રતિયોગિતા આ બાબતે આયોજિત કરવા આવી હતી. નવા નામોની સલાહ આપવા માટે 11,565 એન્ટ્રી પ્રાપ્ત થઈ હતી.

વડાપ્રધાન નરેન્દ્ર મોદીએ શુક્રવારે એ પ્રતિયોગિતાના વિજેતાઓને શુભેચ્છા આપી, જેમાં નાગરિકોને નામીબિયા અને દક્ષિણ આફ્રિકાથી લાવવામાં આવેલા ચિત્તાઓના નામ બાબતે સૂચન માગવામાં આવ્યા હતા. વડાપ્રધાન નરેન્દ્ર મોદીએ કેન્દ્રીય મંત્રી ભૂપેન્દ્ર યાદવની એ ટ્વીટને રીટ્વીટ કરી જેમાં તેમણે એક વીડિયો દ્વારા પ્રતિયોગિતાના વિજેતાઓના નામોની જાહેરાત કરી હતી. આ વર્ષે ફેબ્રુઆરીમાં દક્ષિણ આફ્રિકાથી ભારત લાવવામાં આવેલા 12 ચિત્તાઓને મધ્ય પ્રદેશના શ્યોપુર જિલ્લાના કૂનો નેશનલ પાર્કના મોટા વાડામાં રાખવામાં આવ્યા હતા.

ગયા વર્ષે સપ્ટેમ્બરમાં 8 ચિત્તાઓના પહેલા પુરવઠાને દક્ષિણ આફ્રિકન નામીબિયાથી અહી લાવીને કૂનો નેશનલ પાર્કના આઇસોલેશન હેઠળ વાડામાં રાખવામાં આવ્યા હતા. ગયા વર્ષે સપ્ટેમ્બરમાં 8 ચિત્તાઓનો પહેલો પુરવઠો દક્ષિણ આફ્રિકન નામીબિયાથી કૂનો નેશનલ પાર્ક લાવવામાં આવ્યા હતા. ભારતમાં આ પ્રાણીઓ વિલુપ્ત થવાના 7 દશક બાદ દેશમાં ફરીથી તેમને વસાવવાની યોજના ‘પ્રોજેક્ટ ચિતા’ હેઠળ ઇન્ટર મહાદ્વીપપિય સ્થળાંતરણ કરવામાં આવ્યું.

દેશના છેલ્લા ચિત્તાનું મોત વર્તમાન છત્તીસગઢના કોરિયા જિલ્લામાં વર્ષ 1947માં થયું હતું અને આ પ્રજાતિને વર્ષ 1952માં વિલુપ્ત જાહેર કરી દેવામાં આવી હતી. વડાપ્રધાન નરેન્દ્ર મોદીએ નામીબિયાથી લાવવામાં આવેલા 8 ચિત્તાઓને 17 સપ્ટેમ્બર 2022ના રોજ કૂનો નેશનલ પાર્કમાં છોડ્યા. ગયા મહિને નામીબિયાથી લાવવામાં આવેલી 5 વર્ષીય માદા ચિતા સાશાનું મોત કિડની સંબંધિત બીમારીના કારણે થઈ ગયું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.