'ફેર એન્ડ હેન્ડસમ' ક્રીમથી ગોરો ન થયો, કરી ફરિયાદ, કંપનીએ ચૂકવવા પડ્યા આટલા રૂ.

દિલ્હીના ડિસ્ટ્રિક્ટ કન્ઝ્યુમર ફોરમે ઈમામી લિમિટેડ પર ‘પ્રોડક્ટ વેચવા ભ્રામક જાહેરાત’ માટે રૂ. 15 લાખનો દંડ ફટકાર્યો છે. નિખિલ જૈન નામના વ્યક્તિ દ્વારા ઈમામી પર લગાવવામાં આવેલા આરોપો પર આ કાર્યવાહી કરવામાં આવી છે. નિખિલે આરોપ લગાવ્યો હતો કે, ઈમામીની ફેરનેસ ક્રીમ 'ફેર એન્ડ હેન્ડસમ'ની જાહેરાત ભ્રામક અને ગેરમાર્ગે દોરનારી છે. અહીં તમને જણાવી દઈએ કે, ઈમામી કુદરતી સ્કિનકેર અને હેલ્થકેર પ્રોડક્ટ્સનું વેચાણ કરે છે.

સેન્ટ્રલ દિલ્હી ડિસ્ટ્રિક્ટ કન્ઝ્યુમર ડિસ્પ્યુટ્સ રિડ્રેસલ કમિશન કેસની સુનાવણી કરી રહ્યું હતું. ફરિયાદી નિખિલ જૈનના આરોપો અનુસાર, તેણે 2013માં 79 રૂપિયામાં ક્રીમ ખરીદી હતી. પરંતુ ‘ફેર એન્ડ હેન્ડસમ’ પ્રોડક્ટ તેને ગોરી ત્વચાનું ઇચ્છિત પરિણામ આપી શકી નહીં. ફોરમના પ્રમુખ ઈન્દ્રજીત સિંહ અને સભ્ય રશ્મિ બંસલે 9 ડિસેમ્બરે પોતાનો આદેશ આપ્યો હતો.

આદેશ મુજબ, ફરિયાદને આંશિક રીતે ગણવામાં આવે છે. જ્યારે OP એટલે કે વિપક્ષી પાર્ટી ઈમામીને સૂચના આપવામાં આવી છે કે, તેઓ તેની પ્રોડક્ટને લઈને ખોટી જાહેરાત કરવાની રીત ન અપનાવે. તેઓએ તેમના બ્રાન્ડ એમ્બેસેડર અથવા અન્ય પેકેજો, લેબલો, જાહેરાતો પાછી ખેંચી લેવી જોઈએ. ઉપરાંત, ઑડિયો અથવા વિઝ્યુઅલ માધ્યમ દ્વારા તેને ફરીથી દેખાડશો નહીં.

આ સિવાય ઈમામીને દંડ તરીકે 14.50 લાખ રૂપિયા જમા કરાવવા માટે કહેવામાં આવ્યું હતું. જ્યારે, ફરિયાદીને પણ 50,000 રૂપિયા આપવા જોઈએ. તે ઉપરાંત ફરિયાદીને 10,000 રૂપિયા મુકદ્દમા ખર્ચ તરીકે આપવા જોઈએ. ફોરમે તેના આદેશમાં વધુમાં કહ્યું કે, આ રકમ દિલ્હી સ્ટેટ કન્ઝ્યુમર વેલ્ફેર ફંડ (DSCWF)માં જમા કરાવવી જોઈએ.

ફોરમે ફરિયાદી નિખિલની રજૂઆતની નોંધ લીધી કે 'તે ઉત્પાદનના પેકેજિંગ અને લેબલ પર આપવામાં આવેલી સૂચનાઓ અનુસાર ઉત્પાદનનો નિયમિત ઉપયોગ કરે છે. આ ઉપરાંત, ઝડપી ગોરા થવા માટે ચહેરા અને ગરદન પર દિવસમાં બે વાર સફાઈ કર્યા પછી તેને લગાવતો હતો. પરંતુ તેની ત્વચા ન તો ગોરી થઇ કે ન તો તેનો કોઈ ફાયદો થયો.' સુનાવણી દરમિયાન ફોરમે ઘણી બધી વાતો કહી. ઉદાહરણ તરીકે,

રેકર્ડ પર એવું કંઈ નથી કે, જેના પરથી એવો નિષ્કર્ષ લઈ શકાય કે પ્રોડક્ટનો ઉપયોગ કર્યા પછી ફરિયાદીની ત્વચા ગોરી થઈ ગઈ કે નહીં.

કંપનીએ કહ્યું હતું કે, 'જો ઇચ્છિત પરિણામોની જરૂર હોય તો ઉત્પાદનનો યોગ્ય ઉપયોગ, યોગ્ય પૌષ્ટિક આહાર, કસરત, તંદુરસ્ત આદતો અને સ્વચ્છતા જાળવણી જેવા ઘણા પરિબળો જરૂરી છે.' તેના પર કોર્ટે કહ્યું કે, પ્રોડક્ટના પેકેજિંગ અને લેબલિંગ પર આવી કડક શરતોનો ઉલ્લેખ કરવામાં આવ્યો નથી. બીજો સુધારો એ છે કે ઉત્પાદન 16-35 વર્ષની વય વચ્ચેના સામાન્ય યુવાન પુરુષો (બીમાર લોકો માટે નહીં) માટે છે. બીમાર વ્યક્તિનો અર્થ શું છે? પેકેજિંગ પર આનો ઉલ્લેખ ન હતો. ઇમામી લિમિટેડ સૂચનાઓનું પાલન કરવામાં આવ્યું ન હોવાનો આક્ષેપ કરીને ફરિયાદીને દોષિત ઠેરવી શકે નહીં.

પેકેજિંગ અને લેબલિંગ પર બહુ ઓછી અને મર્યાદિત સૂચનાઓ છે, જેમાં જણાવવામાં આવ્યું છે કે, 3 અઠવાડિયા સુધી દરરોજના ઉપયોગથી પુરુષોની ત્વચા ગોરી થઈ જશે. કંપની જાણતી હતી કે સૂચનાઓ અધૂરી છે અને અન્ય આવશ્યકતાઓને ન અનુસરવાને કારણે દાવો કરેલા પરિણામો આપશે નહીં. એક સમજદાર અથવા તો સામાન્ય બુદ્ધિવાળો ગ્રાહક પણ માની શકે છે કે, જો ક્રીમના પેકેજિંગ પરની સૂચનાઓનું પાલન કરવામાં આવશે, તો પરિણામ દાવા પ્રમાણે જ આવશે.

આનાથી સાબિત થાય છે કે, જાહેરાત ભ્રામક છે. ઉપરાંત, ઈમામીએ પ્રોડક્ટના વેચાણને પ્રોત્સાહન આપવા માટે આવી વ્યૂહરચના અપનાવી હતી.

આ વળતર એટલા માટે પણ લાદવામાં આવ્યું હતું, કારણ કે ઈમામી તે વસ્તુને તો સુધારે જ, પરંતુ અન્ય લોકો સાથે પણ આવી 'ખોટી વસ્તુઓ' ન થાય તેની ખાતરી કરવી જોઈએ.

જો કે ફોરમે એમ પણ કહ્યું હતું કે, અખબારોમાં સુધારાત્મક જાહેરાતો આપવાની જરૂર નથી. કારણ કે ફરિયાદ 2013માં દાખલ કરવામાં આવી હતી. અહીં તમને જણાવી દઈએ કે, આ કેસની સુનાવણીમાં ઘણો સમય લાગ્યો હતો. અગાઉ 2015માં ફોરમે ફરિયાદી નિખિલ જૈનની તરફેણમાં ચુકાદો આપ્યો હતો. પરંતુ ત્યાર પછી દિલ્હી સ્ટેટ કન્ઝ્યુમર કમિશન (DSCC)એ મામલો ફરી ફોરમમાં મોકલી દીધો. ઉપરાંત, એવું કહેવામાં આવ્યું હતું કે, ફોરમે પુરાવાનું ઊંડાણપૂર્વક મૂલ્યાંકન કરવું જોઈએ અને પછી નવેસરથી કાર્યવાહી શરૂ કરવી જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.