દલિત બાળકે મૂર્તિને સ્પર્શ કર્યો, 60000નો દંડ, પરિવારે કહ્યું, હવે આંબેડકરની...

બેંગ્લોરથી લગભગ 60 કિમી દૂર એક ચોંકાવનારો કિસ્સો સામે આવ્યો છે. ગામમાં શોભાયાત્રા દરમિયાન દલિત પરિવારના એક બાળકે દેવતા સાથે જોડાયેલા સ્તંભને સ્પર્શ કર્યો. જે બાદ ગ્રામજનો દ્વારા તેના પરિવાર પર 60 હજાર રૂપિયાનો દંડ ફટકારવામાં આવ્યો છે. સાથે જ દલિત પરિવારે આનો વિરોધ કર્યો છે અને કહ્યું છે કે હવે તેઓ માત્ર ડૉ.ભીમરાવ આંબેડકરની જ પૂજા કરશે.

વાસ્તવમાં શોભમ્મા તેના પરિવાર સાથે કર્ણાટકના કોલાર જિલ્લા નજીક ઉલેરાહલ્લી ગામની રહેવાસી છે. 9મી સપ્ટેમ્બરે ગામમાં ભુતયમ્મા મેળાનું આયોજન કરવામાં આવ્યું હતું. ગામના દલિતોને ગામના મંદિરમાં જવા દેવામાં આવતા નથી. આ મેળા દરમિયાન શોભામ્માનો 15 વર્ષનો દીકરો બહાર હતો ત્યારે શોભાયાત્રા કાઢવામાં આવી રહી હતી. શોભાયાત્રા દરમિયાન તેણે એક સ્તંભને સ્પર્શ કર્યો જે સીધો સિદ્ધિરન્નાની મૂર્તિ સાથે જોડાયેલો હતો.

ગામના જ એક વ્યક્તિએ આ આરોપ લગાવ્યો અને પરિવારના સભ્યોને ગામના વરિષ્ઠ લોકોની સામે આવવા કહ્યું. બીજા દિવસે, શોભમ્મા ગામના વરિષ્ઠ લોકોને મળી, જ્યાં તેમને 1 ઓક્ટોબર સુધીમાં 60 હજાર રૂપિયા ચૂકવવાનું કહેવામાં આવ્યું. આ ગ્રામ્ય પંચાયતે તેને માત્ર સજા જ નહીં, પણ ધમકી પણ આપી કે જો તે દંડ નહીં ભરે તો તેને ગામની બહાર કાઢી મુકવામાં આવશે.

આ આખા મામલામાં શોભમ્માએ કહ્યું, 'જો ભગવાન આપણને ન ઈચ્છે તો અમે તેમની પ્રાર્થના નહીં કરીએ. હવેથી અમે માત્ર ડૉ.ભીમરાવ આંબેડકરની જ પૂજા કરીશું.' એક સ્થાનિક રહેવાસીએ જણાવ્યું કે ગામમાં 75-80 ઘર છે. આમાંના મોટાભાગના પરિવારો વોક્કાલિગા સમુદાયમાંથી આવે છે. સાથે જ ગામમાં દલિતોના 10 જેટલા ઘર છે. શોભમ્માનું ઘર ગામની સીમમાં છે. તેમનો પુત્ર નજીકના ગામમાં 10મા ધોરણમાં અભ્યાસ કરે છે.

આ મામલો ત્યારે પ્રકાશમાં આવ્યો જ્યારે શોભમ્માએ કેટલીક સામાજિક પ્રવૃત્તિઓમાં મદદ કરતી સંસ્થાઓને મદદની વિનંતી કરી. કોલારના ડેપ્યુટી કમિશનર વેંકટ રાજાએ જણાવ્યું કે, 'તેઓ બુધવારે ગામમાં ગયા હતા અને પીડિત પરિવારને મળ્યા હતા. અમે તેને એક પ્લોટ અને થોડા પૈસા આપ્યા છે જેથી તે ઘર બનાવી શકે. અમે શોભમ્માને સમાજ કલ્યાણ છાત્રાલયમાં નોકરી પણ આપી રહ્યા છીએ. મેં પોલીસને આરોપીઓની ધરપકડ કરવાનો આદેશ પણ આપ્યો છે.પોલીસે નારાયણસ્વામી, વેંકટેશપ્પા અને ગામ પ્રધાનના પતિ અને ગામના ઉપપ્રધાન સહિત અન્ય લોકો સામે પણ નાગરિક અધિકાર સંરક્ષણ અધિનિયમ હેઠળ ગુનો નોંધ્યો છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.