26th January selfie contest

દીકરાના ઇલાજ માટે 2 કરોડની વેક્સીનની જરૂર, પિતાએ વેચી દીધી જમીન

PC: patrika.com

દુનિયાની અતિ દુર્લભ ગણાતી બીમારી હંટર સિન્ડ્રોમથી ઇટાવાનો 6 વર્ષીય દેવ લડી રહ્યો છે. બાળકના ઇલાજ માટે 1.92 કરોડ રૂપિયાના વેક્સીનની જરૂર છે જે માત્ર અમેરિકા અને કોરિયામાં જ ઉપલબ્ધ છે. દેવના પિતાએ જગરામે પોતાની જમીન વેચીને 70 લાખ રૂપિયા જમા કર્યા છ, પરંતુ જરૂર આના કરતા વધારે છે. બે લાખ બાળકોમાંથી કોઇ એકને થનારી આ બીમારીથી પીડિત દેવ ઉત્તર પ્રદેશનો એકમાત્ર બાળક છે. બે વર્ષ પહેલા દિલ્હીની એઇમ્સમાં દેવની આ બીમારી વિશે ખબર પડી હતી.

ઇટાવા જિલ્લાના સરૈયા ગામના ખેડૂત જગરામનો 6 વર્ષનો દીકરો દેવ બે વર્ષથી બીમાર છે. શરૂઆતમાં સામાન્ય બીમારી સમજીને ઇટાવામાં જ ઇલાજ કરાવ્યો પરંતુ સ્થિતિમાં સુધાર થયો નથી તો ડોક્ટરોએ તેને એઇમ્સ નવી દિલ્હી જવા માટે સલાહ આપી હતી. 2017માં જગરામે જ્યારે પોતાના દીકરાને એઇમ્સના બાળ રોગ વિભાગમાં ઇલાજ માટે લઇ ગયો તો ખબર પડી કે દેવને હંટર સિન્ડ્રોમ નામની ભયંકર બીમારી છે.

એઇમ્સમાં ઇલાજનો કુલ ખર્ચ એક કરોડ 92 લાખ 77 હજાર 684 રૂપિયા બતાવ્યો. આ બીમારીમાં લાગનારા વેક્સીન વિદેશથી મગાવવામાં આવે છે. લગભગ 2 કરોડ રૂપિયા ખર્ચ કર્યા બાદ પણ દેવ પૂર્ણ સ્વસ્થ થશે તેની કોઇ ગેરન્ટી ડોક્ટરો આપતાં નથી. ડોક્ટરોએ સ્પષ્ટતા કરી છે કે ઇલેપ્રેસ વેક્સીન હમેશા માટે નહીં પરંતુ 1થી પાંચ વર્ષ સુધી જ કામ કરે છે. આ વેક્સીન અમેરિકા નહીં તો કોરિયાથી મગાવવી પડે છે.

દેવની બગડતી તબિયત જોઇને પિતા જગરામની આંખો વાતવાતમાં ભરાઇ આવે છે. ભારે મન સાથે તેઓ કહે છે કે અત્યાર સુધી 70 લાખનો ખર્ચ થઇ ચૂક્યો છે. ઇલાજ કરાવવાં માટે વડીલોની જમીન પણ વેચી દીધી અને હવે વેચવા માટે કશું બાકી નથી. મુખ્યમંત્રી કાર્યાલયમાં અરજી લગાવી તો સરકારે માત્ર પાંચ લાખની મદદ કરી.

હન્ટર સિન્ડ્રોમ એક દુર્લભ આનુવંશિક રોગ છે, જે માતાથી બાળકોમાં થાય છે. કારણ કે આ રોગ જીન છોકરીને અસર કરતું નથી, તેથી તેની અસરોના લક્ષણો ફક્ત છોકરાઓમાં જોવા મળે છે. લીસોસોમલ એન્ઝાઇમ રોગમાં અટકે છે. તેથી, શરીરમાં શર્કરા તૂટતી નથી. આ જ શર્કરા શરીરમાં ઘણા અસામાન્ય લક્ષણો વિકસાવે છે. જેમ કે બાળકમાં બાળકનો વિકાસ, માથાનો વધારો, શરીરમાં કંપારી વગેરેનો સમાવેશ થાય છે. આ રોગનો ઉપચાર ફક્ત રસીની મદદથી જ એન્ઝાઇમ રિપ્લેસમેન્ટ થેરપી છે, એન્ઝાઇમની અભાવ દૂર કરવામાં આવે છે. આ રોગનો ઉપચાર ભારતમાં નથી.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp