લખનૌમાં ગે પાર્ટનરે સંબંધ બાંધવાની ના પાડી દેતા ઘરે જઇને એસિડ ફેંક્યું, મા પણ..

ઉત્તર પ્રદેશની રાજધાની લખનઉમાં બે છોકરાઓએ માતા-પુત્ર પર એસિડ ફેંક્યું. જેના કારણે પુત્ર ગંભીર રીતે ઘાયલ થયો હતો. એસિડ એટેકથી તેનો ચહેરો ખરાબ રીતે દાઝી ગયો હતો. જ્યારે માતા પર એસિડના થોડા જ છાંટા પડ્યા હતા. બંનેને સારવાર માટે લખનઉની રામ મનોહર લોહિયા હોસ્પિટલમાં દાખલ કરવામાં આવ્યા છે. જ્યાં તેની સારવાર ચાલી રહી છે.

આ કેસ ગોમતી નગરના વિરમ વિભાગનો છે. પોલીસને આ અંગેની માહિતી મળતા જ. તેઓએ CCTVની મદદથી બંને હુમલાખોરોને શોધી કાઢ્યા હતા. બંને દિલ્હી ભાગી ગયા હતા. બંનેની ધરપકડ કરીને પૂછપરછ કરવામાં આવી ત્યારે ચોંકાવનારો ઘટસ્ફોટ થયો હતો.

DCP હૃદયેશ કુમારે જણાવ્યું કે, હુમલામાં ઘાયલ યુવક વિકાસ વર્માએ આરોપી વિક્રમ ઉર્ફે વિકી સાથે ફેસબુક દ્વારા મિત્રતા કરી હતી. ધીરે ધીરે બંને વચ્ચે મિત્રતા વધતી ગઈ. ફોન નંબરો આપ્યા. એકબીજા સાથે ફોન પર વાત કરવા લાગ્યા. મિત્રતા એટલી વધી ગઈ કે અફેર પછી બંને વચ્ચે શારીરિક સંબંધ પણ બનવા લાગ્યા.

પરંતુ થોડા સમય પછી વિકાસે આરોપી વિક્રમ સાથે વાત કરવાનું બંધ કરી દીધું અને શારીરિક સબંધ બનાવવાનું પણ છોડી દીધું. જ્યારે આરોપી વિકાસને ફોન કરતો ત્યારે વિકાસ ફોન પણ ઉપાડતો ન હતો. જેના કારણે આરોપી પરેશાન થઇ ગયો હતો. ત્યારબાદ તેણે વિકાસથી બદલો લેવાનું વિચાર્યું અને આ ઘટનાને અંજામ આપી દીધો.

આમાં તેના એક મિત્રે પણ તેને સાથ આપ્યો હતો. બંનેએ કારની બેટરીમાંથી એસિડ કાઢીને વિકાસના ઘરે આવીને તેના પર  ફેંકી દીધું હતું. તેમણે તેની માતા પર પણ એસિડ ફેંક્યું હતું. હાલ બંને ઘાયલોની લોહિયા હોસ્પિટલમાં સારવાર ચાલી રહી છે.

પોલીસને માહિતી આપતા યુવકની માતાએ જણાવ્યું કે 'રવિવારે રાત્રે વિક્રમ નામનો યુવક તેના મિત્ર મોહિત કુમાર સાથે દરવાજો પર આવ્યો અને જોરથી ખખડાવ્યો અને દીકરાને બોલાવવાનું કહ્યું. પુત્ર દરવાજે પહોંચતા જ તેના મિત્ર વિક્રમે તેના પર એસિડ ફેંકી દીધો, જેના કારણે યુવક ખરાબ રીતે દાઝી ગયો. માતા પર પણ એસિડના છાંટા પડ્યા હતા, જેના કારણે માતા પણ દાઝી ગઈ હતી. ઘટનાને અંજામ આપ્યા બાદ બંને યુવકો ઘટનાસ્થળેથી ફરાર થઈ ગયા હતા. માહિતી મળતાં જ પોલીસ ઘટનાસ્થળે પહોંચી અને માતા-પુત્રને લોહિયા હોસ્પિટલમાં દાખલ કરાવ્યા, જ્યાંથી તેમને ફરીથી સિવિલ હોસ્પિટલમાં સારવાર માટે રિફર કરવામાં આવ્યા.

दंग कर देने वाला वीडियो,घर में घुसकर मां-बेटे पर एसिड अटैक...#Attack #Acidattack #ViralVideo #Mother #Son #Indiatv pic.twitter.com/nGnenC458R

— India TV Hindi (@IndiaTVHindi) January 29, 2023

DCP પૂર્વે જણાવ્યું કે આરોપી અને પીડિતા છેલ્લા 8 વર્ષથી એકબીજાને ઓળખે છે. આરોપી વિક્રમ ઈન્ટીરીયર ડેકોરેશનનું કામ કરે છે, તેની સાથે તેણે B.Tecનો પણ અભ્યાસ કર્યો છે. વિક્રમને આ ઘટનામાં સાથ આપનાર તેનો મિત્ર મોહિત કુમાર પહેલાથી જ હુમલાના કેસમાં IPCની કલમ 392 હેઠળ જેલમાં જઈ ચૂક્યો છે. જોકે, વિક્રમનો ભૂતકાળમાં કોઈ ગુનાહિત ઈતિહાસ નથી. પરંતુ બંને આરોપીઓને દિલ્હીથી પકડીને જેલમાં મોકલી દેવામાં આવ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.