26th January selfie contest

લાખો જળ પ્રેમીઓ 1 મેના રોજ મહારાષ્ટ્રના ગામમાં કરશે શ્રમદાન

PC: purch.com

અભિનેતા આમિર ખાનની પાની ફાઉન્ડેશનની પ્રેરણાથી આ વખતે લાખોની સંખ્યામાં મહારાષ્ટ્રના શહેરીજનો મહારાષ્ટ્રના ગામમાં જઈને શ્રમદાન કરીને 'મહારાષ્ટ્ર દિવસ' મનાવશે. મોટા ભાગે દુકાળગ્રસ્ત મહારાષ્ટ્રમાં પાની ફાઉન્ડેશન દ્વારા એક નવી સપર્ધા શરૂ કરવામાં આવી છે. આ અંતર્ગત જે ગામમાં જળસંરક્ષણનો રેકોર્ડ બનાવવામાં આવશે તે ગામને આમિરખાન તરફથી વોટર કપ અને લાખો રૂપિયાનું ઈનામ આપવામાં આવશે.

આ વખતે આ સ્પર્ધા મહારાષ્ટ્રના 75 તાલુકાઓમાં ચાલી રહી છે. પાની ફાઉન્ડેશનના CEO સત્યજીત ભટકલના કહ્યા અનુસાર સતત ત્રીજા વર્ષે ચલાવવામાં આવી રહેલા આ અભિયાનમાં આ વખતે શ્રમદાન માટે શહેરના નાગરિકોને પણ જોડવામાં આવી રહ્યા છે. પાની ફાઉન્ડેશનની વેબસાઈટ પર શ્રમદાન માટે રજીસ્ટ્રેશન કરાવનારની સંખ્યા લાખ ઉપર જતી રહી છે. જો કે આ રજીસ્ટ્રેશન હજી 25મી એપ્રિલ સુધી ચાલશે. આ રજીસ્ટ્રશનમાં મુંબઈ, પૂણે, નાસિક, ઓરંગાબાદ, અને નાગપૂર જેવા મહારાષ્ટ્રના મોટા શહેરો સહિત અન્ય શહેરોના લોકોએ પણ નામ નોંધાવ્યા છે.

સૂત્રો જણાવે છે કે છેલ્લા ત્રણ વર્ષોથી ચાલી રહેલા આ અભિયાન દરમિયાન અનુભવવામાં આવ્યું છે કે શહેરી લોકો આસપાસના ગામડાઓમાં જઈને પાની માટે શ્રમદાન કરવા ઈચ્છે છે, જેને જોતા 1 મે નો દિવસ પસંદ કરવામાં આવ્યો છે. કારણકે આ દિવસે મહારાષ્ટ્રમાં રજા હોય છે. જેથી આ દિવસે ઘરે બેસીને છૂટ્ટી મનાવવાની જગ્યાએ લોકો મહારાષ્ટ્રમાં પોતાની પસંદગીના ગામમાં જઈને શ્રમદાન કરી શકે તે હેતુને આ અભિયાન અંતર્ગત જોડવામાં આવ્યો છે.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp