26th January selfie contest

શી જિનપિંગ સાથે નરેન્દ્ર મોદીના સમીકરણે ઘણા મુદ્દાઓ ઉકેલ્યાઃ NSA અજીત ડોભાલ

PC: PIB

રાષ્ટ્રીય સુરક્ષા સલાહકાર અજિત ડોભાલે કહ્યું કે પૂર્વી લદ્દાખમાં ચીની સેના સાથે 2020ના સ્ટેન્ડઓફ દરમિયાન ભારતીય સેના દ્વારા બળના ઉપયોગને PM નરેન્દ્ર મોદીએ મંજૂરી આપી હતી. તેમણે કહ્યું છે કે ભવિષ્યમાં પણ આવી કાર્યવાહી થઈ શકે છે. ઈન્ડિયન એક્સપ્રેસે એક પુસ્તકને ટાંકીને આ અહેવાલ આપ્યો છે.

[email protected] પુસ્તકમાં, ડોભાલે કહ્યું છે કે તમામ વર્તમાન સરહદ વ્યવસ્થાપન કરારોથી વિપરીત, કોવિડ રોગચાળા દરમિયાન, પ્રતિકૂળ દળોએ આપણા મુખ્ય હિતોને પડકારવાનો પ્રયાસ કર્યો હતો, જેના માટે સૈન્ય બળના પ્રમાણસર ઉપયોગની જરૂર હતી. તેને તાત્કાલિક ધોરણે મંજૂરી આપવામાં આવી હતી. નેતૃત્વ અને સૈનિકોએ એકપક્ષીય કાર્યવાહીનો પ્રતિકાર કરવાની ઇચ્છા દર્શાવી. અમે આ કટોકટી દરમિયાન વિશેષ રીતે પ્રતિભાવ આપ્યો, જો કે અન્ય વિકલ્પો હતા. જો દેશના મહત્ત્વના અને મોટા હિત દાવ પર લાગેલા હોય તો અમુકનો ઉપયોગ થશે અને જો એમ છે તો બીજાનો પણ ઉપયોગ થશે.

તમને જણાવી દઈએ કે પૂર્વી લદ્દાખમાં ભારત અને ચીન વચ્ચે આજે પણ મડાગાંઠ ચાલુ છે. ગલવાન ખીણ, ચાર્ડિંગ નાલા અને ડેપસાંગ મેદાનોમાં ઘણા મુદ્દાઓ હજુ પણ વણઉકેલ્યા છે. ડોભાલના જણાવ્યા અનુસાર, ચીનના રાષ્ટ્રપતિ શી જિનપિંગ સહિત વિશ્વના નેતાઓ સાથે વ્યક્તિગત સમીકરણો વિકસાવવાના વડાપ્રધાનના પ્રયાસોએ ઘણા સંકટને ઉકેલવામાં મહત્ત્વપૂર્ણ ભૂમિકા ભજવી છે.

2017ના ડોકલામ સ્ટેન્ડઓફ અંગે ડોભાલે કહ્યું કે ભારતે સ્ટેન્ડઓફ દરમિયાન અને સંઘર્ષ પછી પણ વાટાઘાટો કરવાનો સંકલ્પ દર્શાવ્યો હતો. તેમણે આ મુદ્દા પર ચર્ચા કરવા માટે G-20 શિખર સંમેલનની બાજુમાં શી સાથે મોદીની મુલાકાત લેવાની ઘટના પણ વર્ણવી. ડોભાલે કહ્યું છે કે અન્ય તમામ વિકલ્પો ખતમ કર્યા બાદ PM મોદીએ વ્યક્તિગત રીતે રાષ્ટ્રપતિ શી જિનપિંગ સમક્ષ ડોકલામ મુદ્દો ઉઠાવ્યો હતો. બંને નેતાઓ તાત્કાલિક ઉકેલ શોધવા સંમત થયા હતા. આખરે, ઘણી મંત્રણા બાદ મડાગાંઠ ઉકેલાઈ હતી. વડાપ્રધાનની સીધી કાર્યવાહી વિના આ શક્ય બન્યું ન હોત.

સપ્ટેમ્બર 2014માં લદ્દાખના ચુમારમાં સર્જાયેલી મડાગાંઠ અંગે ડોભાલે કહ્યું હતું કે મોદીએ શી જિનપિંગની ભારત મુલાકાતની તકનો ઉપયોગ આ મુદ્દાને ઉકેલવા માટે કર્યો હતો. PM મોદી શી જિનપિંગને બિનશરતી અને તાત્કાલિક ચીની સૈનિકો પાછા હટાવવાની જરૂરિયાત વિશે સમજાવવામાં સક્ષમ હતા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp