પ્રશાંત કિશોરે જેલ જવાનું પસંદ કરી જામીનના બોન્ડ ભરવાની ના પાડી,ઉપવાસ ચાલુ રાખશે

BPSCની 70મી પ્રિલિમિનરી પરીક્ષા રદ કરવાની માંગ સાથે આમરણાંત ઉપવાસ કરી રહેલા જન સૂરજના સ્થાપક પ્રશાંત કિશોરે જાહેરાત કરી છે કે, તેઓ જેલમાં પણ ઉપવાસ ચાલુ રાખશે. આપને જણાવી દઈએ કે, સોમવારે વહેલી સવારે લગભગ 4 વાગે પોલીસ મોટી સંખ્યામાં ગાંધી મેદાન પહોંચી હતી અને તેમને વિરોધ સ્થળ પરથી ઉપાડીને પોતાની સાથે લઈ ગઈ હતી. જામીનના બોન્ડ ભરવાનો ઇનકાર કર્યા પછી હવે કોર્ટે તેમને જ્યુડિશિયલ કસ્ટડીમાં જેલમાં મોકલી દીધા છે.

આ દરમિયાન પ્રશાંત કિશોરનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તેઓ કોર્ટ પરિસરમાં પત્રકારો સાથે વાત કરી રહ્યા છે. આ દરમિયાન તેમણે જાહેરાત કરી હતી કે, તેમના આમરણાંત ઉપવાસ જેલમાં પણ ચાલુ રહેશે. પ્રશાંત કિશોરે વધુમાં કહ્યું, 'અમે અટકીશું નહીં, જો અમે અટકી ગયા તો તેઓનો (સરકાર) ઈરાદો બદલાશે નહીં, તેથી તેઓ જામીન પણ નહીં લે અને ઉપવાસ પણ નહીં તોડે. પ્રશાસનને જે કરવું હોય તે તેમને કરવા દો, આ લોકો (સરકાર) વિચારી રહ્યા હતા કે, તેઓ તેને ઉપાડીને અહીં લાવશે, તેને જામીન અપાવી દઈશું અને મામલો ખતમ થઈ જશે.'

અહીં તમને જણાવી દઈએ કે, પ્રશાંત કિશોર વતી મુખ્ય વરિષ્ઠ વકીલ YB ગિરી કોર્ટમાં કેસ લડી રહ્યા છે. તેમણે કહ્યું કે પ્રશાંત કિશોરને અમુક શરતે જામીન આપવામાં આવી રહ્યા છે કે તે કોઈપણ વિરોધ પ્રદર્શન નહીં કરે, જેને તેમણે સ્વીકારવાનો ઈન્કાર કરી દીધો, ત્યારપછી પ્રશાંત કિશોરને ન્યાયિક કસ્ટડીમાં જેલમાં મોકલી દેવામાં આવ્યા છે.

આ દરમિયાન પ્રશાંત કિશોરના અન્ય વકીલ શિવાનંદ ગિરીએ મીડિયા સૂત્રો સાથેની ખાસ વાતચીતમાં જણાવ્યું કે, કોર્ટે પ્રશાંત કિશોરને જામીન આપી દીધા હતા. અમે કોર્ટમાં અમારો કેસ રજૂ કર્યો હતો, પરંતુ કોર્ટે શરતી જામીન આપ્યા હતા.

પ્રશાંત કિશોરને એ શરતે જામીન આપવામાં આવ્યા હતા કે, તે ભવિષ્યમાં સરકાર સામે ધરણા કે વિરોધ પ્રદર્શન નહીં કરે અથવા કાયદો અને વ્યવસ્થાની સમસ્યા ઊભી કરશે નહીં. પ્રશાંત કિશોર જામીનની આ શરતો સ્વીકારવા તૈયાર ન હતા.

बेल भी नहीं लेंगे अनशन भी नहीं तोड़ेंगे 🔥 🔥#PrashantKishor #प्रशांतकिशोर pic.twitter.com/1oubCYf9r3

— PK Digital Vahini (@PKDigitalVahini) January 6, 2025

અહીં તમને જણાવી દઈએ કે, સોમવારે સવારે 4 વાગે પોલીસની ટીમે તેમને ગાંધી મેદાનમાંથી ઉપાડ્યા અને એમ્બ્યુલન્સમાં એમ્સ લઈ ગયા. આ દરમિયાન પટના પોલીસે વિરોધ સ્થળ ખાલી કરાવ્યું હતું. જ્યારે પોલીસે આ કાર્યવાહી કરી ત્યારે PK તેમના સમર્થકો સાથે વિરોધ સ્થળ પર સૂઈ રહ્યા હતા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.