26th January selfie contest

અંતિમ સંસ્કારના દિવસે ઘરમાં ત્રીજી સ્યૂસાઈડ નોટ અને ચોરી..., સામુહિક આપઘાત જટિલ

PC: amarujala.com

UPની રાજધાની લખનૌમાં, ટ્યુબવેલ વિભાગના જુનિયર એન્જિનિયર (JE), શૈલેન્દ્ર કુમારે પાછલાં દિવસોમાં તેની પત્ની અને પુત્રી સાથે આત્મહત્યા કરી હતી. આ આત્મહત્યાનું રહસ્ય દિનપ્રતિદિન જટિલ બની રહ્યું છે. પોલીસને શૈલેન્દ્ર કુમારની વધુ એક સ્યૂસાઈડ નોટ મળી આવી છે. ત્રીજી સ્યૂસાઈડ નોટમાં મૃતક JEએ તેના ભાઈ રાજુ પર ગંભીર આક્ષેપો કર્યા છે.

ત્રીજી સ્યૂસાઈડ નોટમાં મૃતક JE શૈલેન્દ્ર કુમારે તેના ભાઈ રાજુ પર આરોપ લગાવ્યો છે કે, રાજુએ જમીનનો અમુક હિસ્સો ખોટી રીતે વેચી દીધો હતો અને તેના પૈસા પોતાની પાસે રાખ્યા હતા. એટલે કે મૃતક સાથે બનાવટ પણ કરવામાં આવી હતી. આ સ્યૂસાઈડ નોટની સાથે જ પોલીસ મૃતક શૈલેન્દ્ર કુમાર, તેની પત્ની અને પુત્રીના અંતિમ સંસ્કારના દિવસે ઘરમાં થયેલી ચોરીની પણ તપાસ કરી રહી છે.

એક પછી એક મળી આવેલી સ્યૂસાઈડ નોટ અને ત્રણેયના અંતિમ સંસ્કાર વખતે થયેલી ચોરીએ પોલીસને મૂંઝવણમાં મૂકી દીધી છે. પોલીસ સમગ્ર ઘટનાની કડીઓ જોડવાનો પ્રયાસ કરી રહી છે. નોંધનીય છે કે તાજેતરમાં જાનકીપુરમના રહેવાસી JE શૈલેન્દ્ર કુમારે તેમની પત્ની અને પુત્રી સાથે આત્મહત્યા કરી લીધી હતી. સ્થળ પરથી એક સ્યૂસાઈડ નોટ મળી આવી હતી.

આ સ્યૂસાઈડ નોટમાં ચાર લોકો દ્વારા પૈસા માટે ટોર્ચર કર્યાનો આક્ષેપ હતો, પરંતુ પોલીસે ચારેયની પૂછપરછ કરતાં ત્રાસનો મામલો સામે આવ્યો ન હતો. દરમિયાન પોલીસને બીજી એક સ્યૂસાઈડ નોટ મળી આવી હતી, જેમાં રૂ.75 લાખ દેવું હોવાની વાત થઈ હતી, પરંતુ મૃતકના બેંક ખાતામાંથી 80 લાખ રૂપિયા મળી આવ્યા હતા, જેના કારણે મામલો જટિલ બન્યો હતો.

હવે વધુ એક સ્યૂસાઈડ નોટ મળી આવી છે, જેની પોલીસ તપાસ કરી રહી છે. આ મામલે DCP કાસિમ આબ્દીનું કહેવું છે કે ત્રીજી સ્યૂસાઈડ નોટમાં ભાઈ રાજુ પર ખોટી રીતે જમીન વેચી તેના પૈસા પડાવી લેવાનો આરોપ લગાવવામાં આવ્યો છે, અમે રાજુને બોલાવીને તેની પૂછપરછ કરી રહ્યા છીએ અને ઘરમાં થયેલી ચોરીની પણ તપાસ કરી રહ્યા છીએ.

આપઘાત દરમિયાન મૃતક JE શૈલેન્દ્રએ ઘરમાં કેક કાપીને બધાને કેક ખવડાવી હતી. આટલું જ નહીં, કેક ખવડાવતા JE શૈલેન્દ્ર કુમારે કહ્યું હતું કે, 'હવે આપણે બધાને આગામી જન્મદિવસની શુભકામનાઓ.' પાડોશી લવ કુશના કહેવા પ્રમાણે, ઝેર ખાઈ લીધા પછી અમને જાણ થતાં જ અમે દરવાજો કૂદીને અંદર ગયા અને જોયું કે બધા પીડાઈ રહ્યા હતા.

લવકુશે કહ્યું કે ઘરની ગેલેરીમાં જમીન પર પડેલા બધા તડપી રહ્યા હતા, જ્યારે અમે તેમને ઉપાડીને હોસ્પિટલ લઈ જવા લાગ્યા ત્યારે તેઓએ જવાની ના પાડવાનું શરૂ કર્યું, 'હોસ્પિટલ નથી જવું, છોડી દો- છોડી દો', અમે બધા એ સાંભળીને ચોંકી ગયા કે કેમ હોસ્પિટલ નથી જવા માંગતા?, જો કે અમે તે બધા ને લઈને હોસ્પિટલ પહોંચ્યા, પરંતુ ત્યાં તેનું મૃત્યુ થયું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp