છત્તીસગઢ ભવનમાં ગુજરાતી ભોજન, ગુજરાત ભવનમાં છત્તીસગઢનાં વ્યંજનો

13 Aug, 2017
10:00 AM
PC: gujaratbhawan.com

છત્તીસગઢ અને ગુજરાતના ભોજન દિલ્હીનાં લોકોને મનભાવન લાગ્યા છે. અલગ અલગ રાજ્યોના લોકો વચ્ચે ભાષા, સંસ્કૃતિ, વ્યંજન, જ્ઞાન વગેરેની આપ-લે થાય તે માટે કેન્દ્ર સરકારે ‘‘એક ભારત શ્રેષ્ઠ ભારત’’ કાર્યક્રમ હેઠળ આજ રોજ દિલ્હી ખાતેના ગુજરાત ભવનમાં છત્તીસગઢી વ્યંજનો લોકોને પીરસવામાં આવ્યા હતા જેનો સ્વાદ દિલ્હીવાસીઓએ માણ્યો હતો. અને આ જ પ્રમાણે ગત શનિવારે છત્તીસગઢ ભવનમાં ગુજરાતી વ્યંજનો પીરસવામાં આવ્યા હતા. પણ બનાસકાંઠામાં પૂર પિડીતલોકોને જીવવા માટે ભોજન મળતું નથી તે અંગે આ ભવનોમાં કોઈ ચર્ચા પણ કરાઈ ન હતી.

કેન્દ્ર સરકારના એક ભારત શ્રેષ્ઠ ભારત કાર્યક્રમ હેઠળ અત્યાર સુધીમાં 20 રાજ્ય સરકારોએ મેમોરેન્ડમ ઓફ અગ્રીમેન્ટ સાઇન કર્યા છે અને વર્ષ 2017 દરમિયાન અલગ અલગ પ્રવૃતિ અને કાર્યક્રમનું આયોજન કરશે.
ભોજન ઉપરાંત ગુજરાતના હેન્ડલૂમ અને હૅન્ડિક્રાફ્ટનો એક સ્ટોલ પણ રાખવામાં આવ્યો હતો જે લોકો માટે આકર્ષણનું કેન્દ્ર બન્યો હતો.

દેશ અને દુનિયાના સમાચારથી માહિતગાર થવા તેમજ દરેક અપડેટ સમયસર મેળવવા ડાઉનલોડ કરો Khabarchhe.com એપ અને ફોલો કરો Khabarchhe.com ને સોશિયલ મીડિયા પર.

Leave a Comment: