કાશ્મીરમાં જ્યાં 4 લોકોના થયા મોત, ત્યાં આજે થયો IED બ્લાસ્ટ, 1 બાળકનું મોત

જમ્મુ-કાશ્મીરમાં આતંકવાદીઓએ તબાહી મચાવી છે. આજે રજૌરીમાં IED બ્લાસ્ટ થયો હતો. આ હુમલામાં એક બાળકનું કરુણ મોત થયું, જ્યારે બે મહિલાઓ સહિત પાંચ લોકો ગંભીર રીતે ઘાયલ થયા હતા. મોટી વાત એ છે કે રજૌરીના જે ડાંગરી ગામમાં આ વિસ્ફોટ થયો હતો, ત્યાં ગઈકાલે આતંકવાદીઓએ અંધાધૂંધ ગોળીબાર કરીને ચાર ગ્રામજનોને મોતને ઘાટ ઉતાર્યા હતા. પોલીસે કહ્યું છે કે સર્ચ ઓપરેશન દરમિયાન બ્લાસ્ટ થયો હતો.

આતંકવાદીઓ દ્વારા વારંવાર થતા હુમલાઓને જોતા ડાંગરી ગામમાં સુરક્ષા વધારી દેવામાં આવી છે. સુરક્ષા દળો આ વિસ્તારમાં દેખરેખ માટે ડ્રોનનો ઉપયોગ કરી રહ્યા છે. પોલીસ દરેક જગ્યાએ તૈનાત છે. સુરક્ષાકર્મીઓ આ ઘટનાઓ બાદ વિસ્તારમાં સર્ચ ઓપરેશન ચલાવી રહ્યા છે.

ગઈકાલે રજૌરી જિલ્લાના અપર ડાંગરી ગામમાં શંકાસ્પદ આતંકવાદીઓએ એક સમુદાયના વિશેષના ત્રણ ઘરો પર ગોળીબાર કર્યો હતો, જેમાં ચારના મોત થયા હતા અને ઘણા ઘાયલ થયા હતા. ગોળીઓ એકબીજાથી લગભગ 50 મીટરના અંતરે આવેલા ત્રણ મકાનો પર ચલાવવામાં આવી હતી. આતંકવાદીઓ ગામની નજીક આવ્યા અને ત્રણ ઘરો પર અંધાધૂંધ ગોળીબાર કરીને ભાગી ગયા.

जम्मू-कश्मीर: राजौरी के डांगरी गांव में संदिग्ध विस्फोट हुआ है। विस्फोट में 2 लोग घायल हुए हैं जिन्हें अस्पताल ले जाया गया है। अधिक जानकारी की प्रतीक्षा है।

कल इसी गांव में आतंकियों ने 4 नागरिकों की हत्या कर दी थी। pic.twitter.com/C0LGkLZ1qh

— ANI_HindiNews (@AHindinews) January 2, 2023

નોંધપાત્ર વાત એ છે કે ઘાટીની તુલનામાં ઘણો શાંત રહેલો જમ્મુ ક્ષેત્રમાં છેલ્લા ઘણા વર્ષોમાં આ પ્રકારનો પહેલો હુમલો છે, અને તે પણ નવા વર્ષના પ્રથમ દિવસે થયો. જમ્મુ ઝોનના અધિક પોલીસ મહાનિર્દેશક મુકેશ સિંઘે જણાવ્યું કે પોલીસ, સેના અને સેન્ટ્રલ રિઝર્વ પોલીસ ફોર્સ (CRPF) એ સંયુક્ત રીતે વિસ્તૃત ઘેરી અને સર્ચ ઓપરેશન શરૂ કર્યું છે, જેથી અપર ડાંગરી ગામમાં થયેલો ગોળીબારમાં સામેલ બે સશસ્ત્ર માણસોને પકડી શકાય.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.