અમિત ભટનાગર પાસેથી મેળવેલી રકમથી ભાજપના પ્રધાને મલેશિયામાં સંપત્તિ ખરીદી?

અમિત ભટનાગરના વડોદરા ખાતેના ધંધા અને નિવાસ સ્થાનો પર પડાયેલાં દરોડામાં કેટલીક ઓડિયો ટેપ મળી આવી છે. જેમાં ભાજપની રૂપાણી સરકારના બદનામ પ્રધાન પણ અમિતને બ્લેકમેઈલ કરતાં હોવાનું જણાય છે. તેમણે પોતાની મલેશિયા ખાતેની ઘણી મિલકતો આ રીતે વસાવી હોવાની લિંક પણ તેમાંથી મળી છે. તેથી હવે ભાજપના એ વિવાદાસ્પદ પ્રધાનની મલેશિયામાં આવેલી સંપત્તિની તપાસ કરવામાં આવે એવી શક્યતા ઊભી થઈ છે.

આવી 22 પ્રોપર્ટી તેમણે ગુજરાત સરકારમાં ભ્રષ્ટાચાર કરીને અને ઓઈલ કંપનીની મલાઈ તારવીને વસાવી છે. જે હમણાં તેઓ ચૂંટણી લડેલાં ત્યારે મલેશિયાની અબજો રૂપિયાની મિલકત બતાવી ન હોવાનું પણ તેના પરથી ફલિત થાય છે. ઉર્જાના ટ્રાન્સફોર્મર પણ આ પ્રધાન દ્વારા ઊંચી કટકીથી ખરીદ કરવામાં આવ્યા હોવાની વિગતો બહાર આવી છે. હવે આ નવી ઓડિયો ક્લીપ મળી આવી છે તેમાં CBI એ કબજે કરી છે.

કમ્પ્યુટરની હાર્ડ ડીસ્ક પણ મળી છે જેમાં ભાજપના નેતાઓના કૌભાંડ પણ જાહેર થાય તેવી શક્યતા છે. ઓડિયો ટેપમાં ભાજપ સરકારના આ પ્રધાન લેતી દેતીની વાત કરતાં હોવાનું સ્પષ્ટ રીતે જાણી શકાય છે. આમ હવે આ વિષય ધીમે ધીમે રાજકીય કૌભાંડ તરફ જઈ રહ્યું છે. ભાજપના નેતાઓ અંગે વધારે વિગતો બહાર આવે તેવું લાગી રહ્યું છે. જોઆમ થશે તો વડોદરા, અમવાદાદ અને બોટાદમાં ધરતીકંપ થઈ શકે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.