રવિચંદ્રન અશ્વિને એક જ બોલમાં 2 વખત રિવ્યૂ લીધો, અમ્પાયર પણ હેરાન

PC: indianexpress.com

તમિલનાડુ પ્રીમિયર લીગ 2023 શરૂઆતથી જ ચર્ચામાં છે. આ લીગની નવી સીઝનની પહેલી મેચમાં જ અભિષેકે એક બોલમાં 18 રન આપી દીધા હતા અને ત્યારે આ લીગ ચર્ચામાં આવી ગઇ હતી. હવે ટીમ ઇન્ડિયાના સ્પીનર રવિચંદ્રન અશ્વિને તમિલનાડુ પ્રીમિયર લીગમાં એક જ બોલમાં બે વખત રિવ્યૂ લેતા બધા ચોંકી ગયા છે. તમિલનાડુ ક્રિક્રેટ એસોસિએશનની આ લીગમાં ખેલાડીઓ અને અધિકારીઓની વચ્ચે વાતચીત અને નિયમોની મુંઝવણ વચ્ચે ચાહકો મજા લઇ રહ્યા છે.

કોઈમ્બતુરમાં ડીન્ડીગુલ ડ્રેગન અને Ba11C ત્રિચી વચ્ચેની મેચ દરમિયાન, એક જ બોલ પર બે DRS રિવ્યૂ લેવામાં આવ્યો, જે અગાઉ ક્યારેય જોવામાં મળ્યું નહોતું. એ ભારતના અનુભવી સ્પિનર રવિચંદ્રન અશ્વિન હતો, જેણે એ જ બોલ પર બીજી વખત રિવ્યૂ લેવાનું નક્કી કર્યું હતું, કારણકે ત્રીજા અમ્પાયરે બેસ્ટમેનના DRS રિવ્યૂ બાદ મેદાન પરના એમ્પાયરનો નિર્ણય પલટી નાંખ્યો હતો અને બેસ્ટમેનને નોટઆઉટ જાહેર કર્યો હતો.

આ મેચમાં રવિચંદ્રન અશ્વિને બોલ નાંખી ત્યારે આર રાજકુમાર બેટીંગ કરી રહ્યો હતો અને વિકેટ કીપરે બોલ હાથમાં આવ્યા પછી કેચ આઉટની અપીલ કરી હતી. જ્યારે બોલ બેસ્ટમેન પાસેથી પસાર થઇ હતી ત્યારે અવાજ આવ્યો હતો એટલે મેદાન પરના એમ્પાયરે રાજકુમારને આઉટ જાહેર કર્યો હતો. જેની સામે બેસ્ટમેને રિવ્યૂ લીધો હતો. રીપ્લેમાં ખબર પડી હતી કે બેટ અને બોલનો સંપર્ક થયો નહોતો એટલે થર્ડ એમ્પાયરે નોટ આઉટ જાહેર કર્યો હતો. તો અશ્વિને ફરી રિવ્યૂ માંગ્યો હતો, પરંતુ તેનો રિવ્યૂ ફેઇલ ગયો હતો અને બેસ્ટમેન નોટઆઉટ જ રહ્યો હતો.

અશ્વિનનું ચોંકી જવું યોગ્ય હતું, કારણ કે વીડિયોમાં ક્યાંય પણ નોટઆઉટ થવાની પુરાવા નહોતા.જયારે થર્ડ એમ્પાયરે રિવ્યૂ કર્યો ત્યારે રિપ્લેમાં પણ અવાજ ન આવ્યો હોય તેવું જણાયું નહોતું. આમ છતા થર્ડ એમ્પાયરે મેદાનના એમ્પાયરનો નિર્ણય બદલી નાંખ્યો હતો.

અશ્વિને બીજી વખત રિવ્યૂ લીધા બાદ અમ્પાયરો વચ્ચે પણ ચર્ચા શરૂ થઈ હતી. જોકે, બેટ્સમેન અંતમાં અણનમ રહ્યો હતો. મેચ પછી બીજી સમીક્ષા લેવાના નિર્ણય પર અશ્વિને કહ્યું, ટૂર્નામેન્ટમાં DRS નવું છે. બોલ બેટમાંથી પસાર થાય તે પહેલા જ એક સ્પાઇક આવી હતી. હું બહુ ખુશ નહોતો, મેં વિચાર્યું કે તેઓ અલગ એંગલથી જોશે.

આ મેચમાં અશ્વિનની ટીમ ડિનિગુલનો ત્રિચી સામે છ વિકેટે વિજય થયો હતો. અશ્વિનની ટીમે 14.5 ઓવરમાં 121 રનના લક્ષ્યનો પીછો કર્યો અને પોતાના અભિયાનની શાનદાર શરૂઆત કરી. આઠ ટીમોની આ લીગમાં તમામ ટીમોએ એક-એક મેચ રમી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp