ક્રિકેટમાં મોટો બદલાવ-10ની જગ્યાએ હવે માત્ર 6 વિકેટ, દરેક એન્ડ પરથી સતત 5 ઓવર

ક્રિકેટના મેદાન પર હવે ફેન્સને નવી રીતે ક્રિકેટ જોવા મળશે. કેરેબિયન પ્રીમિયર લીગ (CPL)ની 10મી સીઝન અગાઉ ધ સિક્સટી નામથી T10 ટૂર્નામેન્ટનું આયોજન કરવામાં આવી રહ્યું છે. આ પ્રકારની ઇવેન્ટ દર 3 મહિનામાં કરાવવાની તૈયારી છે એટલે કે વર્ષમાં 4 વખત. 3 વેસ્ટ ઈન્ડિઝમાં અને એક બહાર. પહેલી સીઝનનું આયોજન 24-28 ઓગસ્ટ સુધી સેંટ કિટ્સમાં કરવામાં આવી રહ્યું છે. તેમાં દરેક ટીમ પાસે માત્ર 6 વિકેટ હશે. એક એન્ડ તરફથી સતત 5 ઓવર બોલિંગ કરવામાં આવશે.

દિગ્ગજ બોલર ક્રિસ ગેલને તેનો બ્રાન્ડ એમ્બેસેડર બનાવવામાં આવ્યો છે. તેમાં મેન્સ કેટેગરીમાં બધી 8 અને વુમન્સ કેટેગરીમાં કુલ 3 ટીમો સામેલ થશે. તેના નિયમ વિશેષ છે. એવામાં તે ફેન્સને અલગથી રોમાન્ચ આપી શકે છે. કેરેબિયન પ્રીમિયર લીગના CEO પીટ રસેલે એક પોર્ટ્સ વેબસાઈટને જણાવ્યું કે, નવા પ્રકારની પરિસ્થિતિઓથી બોલરોને ફાયદો થશે. તેનાથી એ સુનિશ્ચિત થશે કે તેઓ માત્ર માર ખાવા માટે નહીં ઉતરે. કેટલાક લોકો કહેશે કે આ ક્રિકેટ નથી, પરંતુ મારું માનવું છે કે ક્રિકેટ તેનું સૌથી મહત્ત્વપૂર્ણ તત્વ છે.

તેમણે કહ્યું કે, તે માત્ર ઉત્સાહ અને રુચિ ઉત્પન્ન કરવાનો પ્રયત્ન કરવા માટે છે જેમ બધા ગોલ્ફ સાથે થઈ રહ્યું છે. તમારે ક્યારેક ક્યારેક એક અલગ પ્રકારની વસ્તુઓને જોવી પડશે. એ સંપૂર્ણ રીતે નવા ફેન્સ બાબતે છે. ટૂર્નામેન્ટ ક્રિકેટ વેસ્ટ ઈન્ડિઝ સાથે પાર્ટનરશિપમાં શરૂ થશે, જે T10 ટૂર્નામેન્ટ શરૂ કરનારું પહેલું સભ્ય બોર્ડ બની ગયું છે. રસેલે કહ્યું કે, કેરેબિયન પ્રીમિયર લીગ અમે પોતે કરાવી રહ્યા છીએ. અમારી પાસે એક ડીલ છે. આ લીગ અલગ છે.

વેસ્ટ ઇન્ડિઝમાં ઘણી જગ્યાએ T10 લીગનું આયોજન કરવામાં આવી રહ્યું છે. તેમણે કહ્યું કે, આ લીગ માટે એ સૌથી પરફેક્ટ જગ્યા છે. જે પ્રકારે કેરેબિયન ક્રિકેટ રમે છે, તેઓ તેના હિસાબે ફિટ છે. વેસ્ટ ઈન્ડિઝ અને ન્યૂઝીલેન્ડ વચ્ચે 21 ઓગસ્ટના રોજ વન-ડે સીરિઝ સમાપ્ત થઈ રહી છે. ત્યારબાદ ખેલાડી આ લીગ માટે ફ્રી થઈ જશે. જોકે આ મેદાન ધ હન્ડ્રેડની પણ મેચ ચાલતી રહેશે. ઉલ્લેખનીય છે કે, વેસ્ટ ઈન્ડિઝના ખેલાડી સૌથી વધુ T20ની મેચ આખી દુનિયામાં રમે છે.

ધ સિક્સટીના ખાસ નિયમ:

• દરેક બેટિંગ કરનારી ટીમ પાસે 10ની જગ્યાએ 6 વિકેટ હશે એટલે કે 6 વિકેટ પડ્યા બાદ ઇનિંગ સમાપ્ત.
• બેટિંગ કરનારી ટીમ જો શરૂઆતી 2 ઓવરના પાવરપ્લેમાં 2 સિક્સ મારવામાં સફળ રહી, તો તે ત્રીજી ઓવરની પાવરપ્લેનો પોતાના હિસાબે ગમે ત્યારે ઉપયોગ કરી શકે છે.
• ટીમો દરેક એન્ડથી સતત 5 ઓવર નાંખશે, ન કે દરેક ઓવર બાદ એન્ડને બદલવામાં આવશે.
• જો ટીમો 45 મિનિટની અંદર પોતાની 10 ઓવર ફેંકવામાં નિષ્ફળ રહે, તો છેલ્લા 6 બોલ માટે એક ફિલ્ડરને હટાવી દેવામાં આવશે.
• ફેન્સ એપ કે વેબસાઇટના માધ્યમથી મિસ્ટ્રી ફ્રી હિટ માટે વોટ કરી શકશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.