શું આ ખેલાડીને ચેમ્પિયન્સ ટ્રોફીમાં રમાડવો ટીમ ઇન્ડિયાને ભારે પડશે

PC: hindi.crictracker.com

ભારતીય ક્રિકેટ કંટ્રોલ બોર્ડ (BCCI)એ તાજેતરમાં મેગા ICC ઇવેન્ટ ચેમ્પિયન્સ ટ્રોફી માટે ભારતીય ટીમની જાહેરાત કરી છે. પસંદગીકારોએ અનુભવી ઝડપી બોલર મોહમ્મદ સિરાજના સ્થાને અર્શદીપ સિંહનો ટીમમાં સમાવેશ કર્યો હતો. આવી સ્થિતિમાં, અમે તમને તે ત્રણ કારણો વિશે જણાવવા જઈ રહ્યા છીએ કે, શા માટે અર્શદીપ સિંહને ચેમ્પિયન્સ ટ્રોફી માટે દુબઈ લઈ જવું ભારત માટે મોંઘુ સાબિત થઈ શકે છે.

૨૫ વર્ષીય ફાસ્ટ બોલર અર્શદીપ સિંહને T20નો સારો અનુભવ છે. તેણે ટીમ ઈન્ડિયા માટે 60 T20 મેચ રમી છે. પરંતુ તેને વન-ડે ફોર્મેટમાં રમવાનો બહુ અનુભવ નથી. અત્યાર સુધી તેણે ટીમ ઈન્ડિયા માટે ફક્ત 8 ODI મેચ રમી છે, જેમાં તેના નામે 12 વિકેટ છે.

અર્શદીપ સિંહ આંતરરાષ્ટ્રીય ક્રિકેટમાં લાંબા સ્પેલ્સ બોલિંગ કરવા માટે ટેવાયેલા નથી. તેને T20માં ફક્ત ચાર ઓવર નાખવાની હોય છે. પરંતુ વનડેમાં તેણે 10 ઓવર ફેંકવી પડશે. દુબઈ જેવા ગરમ વાતાવરણમાં અર્શદીપ માટે આ મુશ્કેલ કાર્ય સાબિત થઈ શકે છે.

ભારતીય ટીમ આ ICC ઇવેન્ટની બધી મેચ દુબઈમાં રમવા જઈ રહી છે. ફેબ્રુઆરીના અંતમાં અને માર્ચની શરૂઆતમાં, જ્યાં બોલ વધુ ફરતો નથી અને પીચ ઝડપી બોલરો માટે મદદરૂપ છે, ત્યાં ટીમ ઈન્ડિયા ફક્ત ત્રણ ઝડપી બોલરો સાથે ત્યાં જઈ રહી છે. આમાં જસપ્રીત બુમરાહના રમવા પર શંકા છે, જ્યારે મોહમ્મદ શમી 2023ના વર્લ્ડ કપ ફાઇનલ પછી આ સિરીઝથી પાછો ફરો રહ્યો છે, શમીના ફોર્મનો હજુ સુધી કોઈ ચોક્કસ અંદાજ નથી. આ ઉપરાંત, અર્શદીપ સિંહને મોહમ્મદ સિરાજની જગ્યાએ ત્રીજા ફાસ્ટ બોલર તરીકે પસંદ કરવામાં આવ્યો છે, જેણે પોતાની આખી કારકિર્દીમાં ફક્ત 8 વનડે રમી છે.

ભારતના યુવા ફાસ્ટ બોલર અર્શદીપ સિંહ ઇતિહાસ રચવાની અણી પર છે. ઈંગ્લેન્ડ સામેની T20 શ્રેણીમાં માત્ર બે વધુ વિકેટ લઈને, તે ભારતના T20 ઇતિહાસમાં સૌથી વધુ વિકેટ લેનાર બોલર બની જશે. રોહિત શર્માની કેપ્ટનશીપમાં ભારતના ઐતિહાસિક T20 વર્લ્ડ કપ 2024ની જીતમાં મુખ્ય ભૂમિકા ભજવનાર અર્શદીપ ભારતીય ઝડપી બોલિંગ આક્રમણનો એક મહત્વપૂર્ણ ભાગ બની ગયો છે. તે ટુર્નામેન્ટમાં સૌથી વધુ વિકેટ લેનાર બોલર હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp