26th January selfie contest

રાજકોટમાં કલેક્ટરે ક્રિકેટ માટે મેદાન મફતના ભાવે આપી દીધું, આયોજક ભાજપના નેતા છે

PC: khabarchhe.com

લોકોએ દાંડીયા રાસ લેવા માટે રાજકોટનું શાસ્ત્રી મેદાન ભાડે લેવું હોય તો હજાર ચોરસ મીટર જમીન માટે રૂ.10 હજાર ભાડું આપવું પડે છે. પણ અહીં ક્રિકેટ રમાડવા ગણી જમીન માત્ર રૂ.75ના રોજના ભાડેથી રાજકોટ કલેક્ટર રાહુલ બી. ગુપ્તાએ આપી દેવાથી વિવાદ ઊભો થયો છે. તે પણ તમામ નિયમો મૂકીને. મુખ્ય પ્રધાન વિજય રૂપાણી છે રાજકોટના છે. વિરોધીઓ કહી રહ્યા છે કે  તેમની સૂચના વગર આ રીતે નિયમો વિરૂદ્ધ પગલું ભરે નહીં. કલેક્ટર ગુપ્તાએ મે થી 31 મે 2019 સુધી મેદાન આપી દીધું છે. બીજા દિવસ વધારી આપવા માટે ફરીથી અરજી ભાજપના આ નેતાએ કરી છે. લોકોમાં ચર્ચા છે કે સમાજને મદદરૂપ થવા માંગતી સંસ્થાઓ જો માંગે તો કલેક્ટર ગુપ્તા મેદાન આપતાં નથી. પણ ભાજપ કહે તો તેને નફો રળતી ક્રિકેટ માટે રબ્બર સ્ટેમ્પ મારી આપવામાં આવે છે. ભાજપની આ ટુર્નામેન્ટ છે તો તેની મંજૂરી ભાજપે લેવી જોઈએ. પણ મંજૂરી તો ખાનગી વ્યક્તિને આપવામાં આવી છે. કલેક્ટર આ અંગે તપાસ કરશેકારણ કે જેણે મેદાન માંગ્યું છે તે પોતે ઉપયોગ કરવાના બદલે ભાજપને પેટા ભાડું તરીકે આપી હોય એવો ઘાટ જોવા મળે છે. કલેક્ટર એવું કહે છે કે નહીં નફો નહીં નુકસાન માટે મેદાન ટોકન ભાડેથી આપવામાં આવે છે. નહીં નફો અને નહીં નુકસાન કઈ રીતે નક્કી કરવા તે અંગે કલેક્ટર ગુપ્તા ફોડ પાડીને કહેતાં નથી. મેદાનનો ઉપયોગ આર્થિક અને રાજકીય નફા માટે થઈ રહ્યો છે. જો કોંગ્રેસ પક્ષ શાસ્ત્રી મેદાન આ જ શરતથી માંગશે તો તે ગુપ્તા આપશે ખરા એવો પ્રશ્ન પૂછવામાં આવી રહ્યો છે.

વિવાદ થતાં આ ટુર્નામેન્ટના નફા અને નુકસાન અંગે અધિક કલેકટર પરિમલ પંડયાએ જાહેર કર્યું છે કેજો ખરેખર ધંધાદારી આયોજન હશે તો હિસાબો માગી તપાસ કરવામાં આવશે.

ફી ઉઘરાવવામાં આવી છે તે શું ધંધો નથી તેનો જવાબ કલેક્ટર પાસે નથી.

2014માં શાસ્ત્રી મેદાનનું હજાર ચોરસ મીટરના રૂા.6600 ભાડું હતું. નવરાત્રીના રાસ રમવા માટે દ્વારા માંગણી કરાઈ હતી. પણ ક્રિકેટ રમવા માટે ગઈ કાલે મુખ્ય પ્રધાન વિજય રૂપાણીએ રાત્રિ પ્રકાશ ક્રિકેટ ક્રિકેટ ટુર્નામેન્ટનું ઊદઘાટન કર્યું હતું.

ભાજપના નેતા પાર્થરાજ ચૌહાણે મેદાન ભાડે રાખ્યું છે. જેમાં 80 ક્રિકેટ ટીમ ભાગ લઈ રહી છે. એક ટીમ પાસેથી રૂ.હજાર લેવામાં આવ્યા છે. ભાજપના નેતાઓએ નિયમો વિરૃદ્ધ મેદાનમાં જ કેન્ટીન શરૂ કરી દીધી છે.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp