વન-ડે ટીમમાં શામેલ ઐય્યરે કેપ્ટનશીપને લઈ કહી દીધી આ વાત, તમે ટીમમાં પણ..

PC: cdn-images.spcafe.in

દક્ષિણ આફ્રિકાના પ્રવાસ પર પ્રથમ વખત ODI ટીમમાં સ્થાન મેળવનાર ઓલરાઉન્ડર વેંકટેશ અય્યરનું માનવું છે કે તે એક ચપળ ખેલાડી તરીકે ટીમમાં ભૂમિકા ભજવવા માંગે છે. અય્યરે સ્પષ્ટ કર્યું કે તે માત્ર ઓલરાઉન્ડર તરીકે ટીમ ઈન્ડિયામાં પોતાનું ભવિષ્ય જ નથી જોઈ રહ્યો, પરંતુ તે નેતૃત્વની ભૂમિકામાં પણ પોતાને સ્થાપિત કરવા માંગે છે. ભારત અને દક્ષિણ આફ્રિકા વચ્ચે તા.19 જાન્યુઆરીથી ODI મેચ શરૂ થવા જઈ રહી છે. આ શ્રેણીમાં કેએલ રાહુલ કેપ્ટન તરીકે અને જસપ્રિત બુમરાહ વાઇસ કેપ્ટન તરીકે જોવા મળશે.

યુટ્યુબ શો પર સ્પોર્ટ્સ જર્નાલિસ્ટ બોરિયા મજુમદાર સાથેની વાતચીત દરમિયાન વેંકટેશ અય્યરે કહ્યું, હું અંગત રીતે મારી જાતને ઓલરાઉન્ડર તરીકે સ્થાપિત કરવા માંગતો હતો. હું હંમેશા મારી જાતને એક ક્રિકેટર તરીકે જોવા માંગતો હતો. તેનો અર્થ એ છે કે હું મારી જાતને માત્ર બેટ્સમેન અને બોલર તરીકે જ નહીં પરંતુ એક ફિલ્ડર તેમજ નેતૃત્વની ભૂમિકામાં પણ જોવા માંગુ છું..તમે કેપ્ટનને સલાહ આપી શકો છો. જેથી તે સ્માર્ટ અને સારા નિર્ણયો લઈ શકે.

જો કેપ્ટન ન હોવ તો પણ ટીમમાં તમારી હાજરી દરમિયાન તમે નેતૃત્વની ગુણવત્તા બતાવી શકો છો. હું તેના પર કામ કરી રહ્યો છું. મને ખુશી છે કે આ થઈ રહ્યું છે કે એક નેતૃત્વ તરીકે પણ કામ થઈ રહ્યું છે. હું એટલું જ કહેવા માંગુ છું કે ક્યારેક તમે મને ઉપરના ક્રમમાં તો ક્યારેક ફિનિશરની ભૂમિકામાં જોશો. હું ટીમમાં પૂરતો એક્ટિવ રહીને મારી ભૂમિકા ભજવવા માંગુ છું. હું કોઈ પણ વસ્તુને એવી જ રીતે ધ્યાને લઉં છે જે રીત એ મારી સામે આવે છે. એક દિવસે હું બીજી બધી વસ્તુઓ પર ફોક્સ કરવાના બદલે એક જ વસ્તુ કે વિષય પર ફોક્સ કરીને કામ કરું છું.

મારા મગજમાં ચોક્કસપણે છે કે દક્ષિણ આફ્રિકાના પ્રવાસ પર ODI ટીમમાં કેવી રીતે પ્રદર્શન કરવું. મારે ત્યાં બાઉન્સી વિકેટ પર બેટ્સમેન, બોલર, ઓલરાઉન્ડર, ફિલ્ડર તરીકે શું કરવાનું છે. આ બધી વસ્તુઓ પર વર્કઆઉટ થઈ ચૂક્યું છે. તે બોલ અને બેટ બંનેથી પ્રભાવ પાડવા માંગે છે. વેંકટેશ પણ આ માટે તૈયાર છે. એકવાર એક પ્રેક્ટિસ સત્ર પૂરું થઈ જાય પછી, હું બીજા પ્રેક્ટિસ સત્ર માટે પ્લાન કરું છું. હું દક્ષિણ આફ્રિકામાં પણ આવું જ કરીશ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp