માત્ર 11 દિવસમાં જ પૈસા ડબલ, જાણો વર્ષ 2023ના પહેલા મલ્ટીબેગર શેરનું નામ

PC: livemint.com

શેર બજારમાં ઘણા એવા મલ્ટીબેગર સ્ટોક છે જેમણે પોતાના રોકાણકારોને જોરદાર કમાણી કરાવી છે. વર્ષ 2023ની શરૂઆતથી અત્યાર સુધી લગભગ 17 દિવસોના ટાઇમ પિટિયાદન જોઇએ તો શ્રીરામ એસેટ મેનેજમેન્ટ કંપનીનો સ્ટોક આ વર્ષનો પહેલો મલ્ટીબેગર શેર સાબિત થયો છે. તેણે પોતાના રોકાણકારોના પૈસા માત્ર 11 દિવસમાં જ લગભગ ડબલ કરી દીધા છે. તેમાં છેલ્લા 3 અઠવાડિયાથી જોરદાર તેજી જોવા મળી છે. શ્રીરામ એસેટ મેનેજમેન્ટ કંપનીના શેરોએ પોતાના રોકાણકારોને જોરદાર રિટર્ન આપ્યું છે.

સોમવારે આ સ્ટોકની કિંમત લગભગ 10 ટકા વધીને 231.90 રૂપિયા સ્તર પર પહોંચી ગઇ. આ ઉછાળા સાથે જ કંપનીના શેર વર્ષ 2023ના પહેલા મલ્ટીબેગર સ્ટોક બની ગયા છે. જો કે, મંગળવારે શેર બજારમાં બિઝનેસ દરમિયાન બોમ્બે સ્ટોક એક્સચેન્જ (BSE) પર શ્રીરામ એસેટ મેનેજમેન્ટ કંપનીના શેર લાલ નિશાન પર કારોબાર કરી રહ્યા હતા. મંગળવારે લગભગ 5 ટકાના ઘટાડા સાથે 220.35 રૂપિયા પર ટ્રેડ કરી રહ્યા હતા.

મંગળવારનો ઘટાડો છોડી દઇએ તો છેલ્લા માત્ર 11 દિવસોમાં જ આ સ્ટોકે પોતાના રોકાણકારોના પૈસા ડબલ કરવાનું કામ કર્યું છે. આ દરમિયાન શેરોએ 110 ટકા રિટર્ન આપ્યું છે. મલ્ટીબેગર સ્ટોકના રૂપમાં એ શેરને ઓળખવામાં આવે છે જે એક નક્કી અવધિમાં પોતાના રોકાણકારોને 100 ટકા કે તેનાથી વધારે રિટર્ન આપે છે. શ્રીરામ એસેટ મેનેજમેન્ટ કંપનીનો સ્ટોક પણ એવો જ સાબિત થયો છે. શ્રીરામ એસેટ મેનેજમેન્ટ કંપની શ્રીરામ ગ્રુપનો હિસ્સો છે અને શ્રીરામ મ્યુચ્યુઅલ ફંડના નામથી કારોબાર કરે છે.

કંપનીના સ્ટોકની ચાલ જોઇએ તો આ વર્ષની શરૂઆતમાં એટલે કે 1 જાન્યુઆરી 2023ના રોજ તેની કિંમત 110.15 રૂપિયા પર હતી, જે 16 જાન્યુઆરીના રોજ 231.90 રૂપિયાના લેવલ પર પહોંચી ગઇ. આ હિસાબે જોઇએ તો જે રોકાણકારોએ તેમાં 1 લાખ રૂપિયાનું રોકાણ કર્યું હશે, તેના પૈસા આ અવધિમાં જ ડબલથી પણ વધારે મતલબ 2 લાખ રૂપિયાથી વધારે થઇ ગયા હશે. અઠવાડિયાના પહેલા દિવસે સ્ટોક માર્કેટ લાલ નિશાન પર બંધ થયો હતો અને સેન્સેક્સમાં 168 અંકોના ઘટાડો જોવા મળ્યો હતો. તો મંગળવારની વાત કરીએ તો સમાચાર લખવા સુધી BSEનો સેન્સેક્સ 0.65 ટકા કે 390 અંક ચડીને 60.482.99ના લેવલ પર બિઝનેસ કરી રહ્યો હતો. તો NSEનો નિફ્ટી ઇન્ડેક્સ 0.59 ટકા કે 105.70 અંકોની તેજી લેતા 18,000.55ના સ્તર પર ટર્ડ કરી રહ્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp