પબ્લિક ટોયલેટ કે ચેન્જિંગ રૂમમાં હિડન કેમેરો છે કે નહીં? જણાવશે આ મોબાઈલ એપ

મહિલાઓ મોટાભાગે પબ્લિક ટોયલેટ કે પછી ચેન્જિંગરૂમનો ઉપયોગ કરતી વખતે દુવિધામાં રહે છે કે, ક્યાંક તેમના અંગત ફોટાનો નથી લેવામાં આવી રહ્યાને. મહિલાઓના મનમાં એવો પણ સવાલ ઊભો થાય છે કે, ક્યાંક કોઈ હિડન કેમેરો તો નથી સંતાડ્યોને. અવારનવાર આવા મામલા સામે આવતા રહે છે, જેમાં એક હિડન કેમેરા દ્વારા મહિલાઓના ફોટા ક્લિક કરી લેવામાં આવ્યા હોય. હવે સવાલ એ છે કે, આ હિડન કેમેરા વિશે કઈ રીતે જાણી શકાય?

તેની સૌથી સરળ રીત છે તમારો મોબાઈલ. પોતાના મોબાઈલ દ્વારા જ તમે ખૂબ જ સરળતાથી કોઈપણ એરિયામાં હિડન કેમેરા વિશે જાણી શકો છો. તેને માટે તમારે પોતાના મોબાઈલમાં એક એપ ડાઉનલોડ કરવી પડશે. તમારે તમારા ફોનમાં હિડન કેમેરા ડિટેક્ટર એપ ડાઉનલોડ કરવી પડશે. એપને એન્ડ્રોઈડ અને આઈઓએસ પ્લે સ્ટોર પરથી ડાઉનલોડ કરી શકાશે.

આ એપમાં તમને અલગ-અલગ પ્રકારના વિકલ્પ મળે છે, જેમાંથી તમારે ડિટેક્ટ કેમેરા બાય રેડિએશન મીટર પર ક્લીક કરવાનું હોય છે. તેના પર ક્લીક કર્યા બાદ તમને સ્ક્રીન પર સર્કલ અને કલરફુલ લાઈનો દેખાશે. આ દરમિયાન તમને સૂચના મળતી રહેશે કે આસપાસ કેમેરો છે કે નહીં. જો તમને સિગ્નલ મળવા માંડે તો ફોનને તે તરફ લઈ જાઓ અને જો ત્યાં કેમેરો હશે તો એપ તમને સૂચના આપશે.

ખાસ વાત એ છે કે, આ એપ એટલી એડવાન્સ છે કે, ઓછા પ્રકાશમાં પણ તે યુઝરને જણાવી દેશે કે કોઈએ હિડન કેમેરો છે કે નહીં. આ એપના પેડ વર્ઝનનને હજુ વધુ ફીચર્સની સાથે એડવાન્સ બનાવવામાં આવ્યું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.