26th January selfie contest

ઝુકરબર્ગની સુરક્ષા પાછળ ગત વર્ષે Facebookએ કર્યો 156 કરોડ રૂપિયાનો ખર્ચ

PC: cnbc.com

Facebookના CEO માર્ક ઝુકરબર્ગની સુરક્ષા પાછળ ગત વર્ષે 2.26 કરોડ ડૉલર (156.32 કરોડ રૂપિયા) ખર્ચ કરવામાં આવ્યા. આશરે 2 કરોડ ડૉલરની રકમ ઝુકરબર્ગ અને તેના પરિવારની સુરક્ષા પર ખર્ચ થયા. 26 લાખ ડૉલર ઝુકરબર્ગને પ્રાઈવેટ જેટનો ઉપયોગ કરવાને કારણે મળ્યા. આ રકમ પણ સુરક્ષા ખર્ચમાં સામેલ હતી.

Facebookએ શુક્રવારે રેગ્યુલેટરી ફાઈલિંગમાં આ જાણકારી આપી હતી. 2017માં ઝુકરબર્ગની સુરક્ષાનો ખર્ચ 90 લાખ ડૉલર (62.25 કરોડ રૂપિયા) હતો. એખ વર્ષમાં તે 60 ટકા વધી ગયો છે. જોકે, બેઝીક સેલરી તરીકે ઝુકરબર્ગ 3 વર્ષથી 1 ડૉલર વાર્ષિક લઈ રહ્યો છે.

COO શેરિલ સૈંડબર્ગની સુરક્ષા પર Facebookએ ગત વર્ષે 29 લાખ ડૉલર (20 કરોડ રૂપિયા) ખર્ચ કર્યા. 9 લાખ ડૉલર તેમના પ્રાઈવેટ પ્લેન ઉપયોગ કરવા માટે ચુકવવામાં આવ્યા. સૈંડબર્ગને સેલરી અને ભથ્થા તરીકે ગત વર્ષે 2.37 કરોડ ડૉલર (164 કરોડ રૂપિયા) મળ્યાં. 2017માં આ રકમ 2.52 કરોડ ડૉલર (174 કરોડ રૂપિયા) હતી.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp