પુરુષ 2 વર્ષથી રહે છે પત્ની અને ગર્લફ્રેન્ડ સાથે, પત્નીએ જ આપેલી સહમતિ

એક પરિણીત યુગલે તેમના સંબંધમાં ત્રીજા વ્યક્તિને સ્થાન આપ્યું. હવે બીજી મહિલા એમ્મા કૂમ્બર પણ ટોમ હિલયાર્ડ અને તેની પત્ની લેસ્લી સાથે રહે છે. આ થ્રૂપલ બે વર્ષથી એક જ છત નીચે ખુશીથી જીવે છે. 

મીડિયાના અહેવાલો મુજબ, પૂર્વ સસેક્સમાં રહેતા આ થ્રૂપલ એકબીજા માટે સંપૂર્ણ રીતે પ્રતિબદ્ધ છે. તેઓ બેડથી લઈને ઘરના કામકાજ અને બિલ સુધી બધું જ શેર કરે છે. ત્રણેએ પોતાનો પરિવાર શરૂ કરવાની પણ ચર્ચા કરી છે, પરંતુ બાળકને કોણ જન્મ આપશે તે અંગે કોઈ નિર્ણય લેવામાં આવ્યો નથી.

અહીં તમને જણાવી દઈએ કે, 24 વર્ષની લેસ્લી અને 25 વર્ષીય ટોમના લગ્ન 2017માં થયા હતા. આ બાયસેક્સ્યુઅલ કપલ લગ્નના ત્રણ વર્ષ પછી એમ્માને તેમના જીવનમાં લાવ્યું. લેસ્લી કહે છે કે લોકોને અમારો થ્રુપલ સંબંધ 'વિચિત્ર' લાગે છે. પરંતુ અમારો પ્રેમ અન્ય દંપતી જેવો છે. ફરક એટલો જ છે કે બેને બદલે આપણે ત્રણ છીએ.

ટોમ જાણતો હતો કે તેની પત્ની બાયસેક્સ્યુઅલ છે. આ મુદ્દે તેમની વચ્ચે ખુલ્લી ચર્ચા થઈ છે. બંને પરસ્પર સંમતિથી એમ્મા કૂમ્બર સાથે થ્રુપલ રિલેશનશિપમાં રહે છે. ટ્રિપલ રિલેશનશિપનો અર્થ છે- ત્રણ વ્યક્તિઓ પરસ્પર સંમતિથી સાથે રહે છે.

આ અંગે લેસ્લી કહે છે કે, એક દિવસ ટોમે મને મજાકમાં પૂછ્યું કે, શું તને ગર્લફ્રેન્ડ જોઈએ છે? મેં પણ હા પાડી. આ પછી ગર્લફ્રેન્ડની શોધ શરૂ થઈ. લેસ્લી એક LGBTQ+ ડેટિંગ એપ્લિકેશન, Taimi સાથે જોડાય છે. જ્યાં તેની મુલાકાત 31 વર્ષની એમ્મા સાથે થઈ હતી. ત્યાર પછી ત્રણેય સાથે રહેવા લાગ્યા હતા. જો કે, તે બધું એટલું સરળ નહોતું. ત્રણેયને એકબીજાની આદત પડતા થોડો સમય લાગ્યો.

લેસ્લી અને ટોમ એમ્માને તેમની વચ્ચે એડજસ્ટ કરવામાં મદદ કરવા માટે ગમે તે કરે છે. હવે ત્રણેય ખૂબ જ ખુશીથી સાથે રહે છે. જોકે, શરૂઆતમાં તેના પરિવારના સભ્યોને તે ખૂબ જ અજીબ લાગતું હતું. આ અંગે થ્રોપલે સમજાવ્યું કે, વિશ્વમાં ત્રણ લોકોનું એકસાથે રહેવું એ પરસ્પર સંકલનનો એક ભાગ છે. તે કહે છે કે અમારી ત્રણેય પાસે અમારી પસંદગી કરવાનો વિકલ્પ છે અને તેની સામે કોઈને કોઈ વાંધો ન હોવો જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.