કેનેડાના PM ટ્રુડોને ઝટકો આપી મુશ્કેલી વધારનાર DyPM ક્રિસ્ટિયા ફ્રીલેન્ડ કોણ છે?

ભારત સામે આફત વ્હોરી લેનાર કેનાડાના PM જસ્ટિન ટ્રુડોની ખુરશી ધ્રૂજવા લાગી છે. ચૂંટણી પહેલા જ તેમની સરકાર જોખમમાં મુકવા લાગી છે. એક તરફ PM ટ્રુડોના ખાલિસ્તાન સમર્થક મિત્ર જગમીત સિંહ તેમના રાજીનામાની માંગ કરી રહ્યા છે. બીજી તરફ કેનેડાના DyPM અને નાણા મંત્રી ક્રિસ્ટિયા ફ્રીલેન્ડે રાજીનામું આપીને તેમનું ટેન્શન વધુ વધાર્યું છે. ક્રિસ્ટિયા ફ્રીલેન્ડે સોમવારે PM જસ્ટિન ટ્રુડોના કેબિનેટમાંથી રાજીનામું આપ્યું હતું. સૂત્રોનો દાવો છે કે, PM ટ્રુડો ઈચ્છતા હતા કે, ફ્રીલેન્ડ ફાઈનાન્સના સ્થાને કોઈ અન્ય વિભાગ રાખે. પરંતુ DyPM ફ્રીલેન્ડને આ વાત સ્વીકાર્ય ન હતી. આખરે તેમણે રાજીનામું આપવાનું યોગ્ય માન્યું. PM ટ્રુડોને DyPM ફ્રીલેન્ડના આ નિર્ણયની બિલકુલ અપેક્ષા નહોતી.

DyPM ફ્રીલેન્ડના રાજીનામાથી PM ટ્રુડોની મુશ્કેલીઓ વધી ગઈ છે. વિપક્ષને પ્રહાર કરવાની તક મળી ગઈ છે. હવે સવાલ એ છે કે PM ટ્રુડોને ઝટકો આપનાર મહિલા ફ્રીલેન્ડ કોણ છે, તેમણે રાજીનામું કેમ આપ્યું?

સૌથી પહેલા જાણીએ શું થયું. સોમવારે સવારે DyPM ક્રિસ્ટિયા ફ્રીલેન્ડે નાણામંત્રી પદ પરથી રાજીનામું આપીને બધાને ચોંકાવી દીધા હતા. આશ્ચર્યજનક બાબત એ છે કે, DyPM ફ્રીલેન્ડ એ જ સાંજે લિબરલ સરકારના આર્થિક અપડેટ રજૂ કરવાના હતા. સૂત્રોનો દાવો છે કે, PM ટ્રુડો ઈચ્છતા હતા કે, DyPM ફ્રીલેન્ડ ફાઈનાન્સના સ્થાને કોઈ અન્ય વિભાગ રાખે. પરંતુ DyPM ફ્રીલેન્ડને આ વાત સ્વીકાર્ય ન હતી. આખરે તેમણે રાજીનામું આપવાનું જ યોગ્ય માન્યું.

See my letter to the Prime Minister below // Veuillez trouver ma lettre au Premier ministre ci-dessous pic.twitter.com/NMMMcXUh7A

— Chrystia Freeland (@cafreeland) December 16, 2024

DyPM ક્રિસ્ટિયા ફ્રીલેન્ડનું પૂરું નામ ક્રિસ્ટીના એલેક્ઝાન્ડ્રા ફ્રીલેન્ડ છે. તેમનો જન્મ 1968માં પીસ રિવર, આલ્બર્ટામાં થયો હતો. DyPM ફ્રીલેન્ડે હાર્વર્ડ યુનિવર્સિટીમાંથી સ્નાતક થયા અને ઓક્સફોર્ડ યુનિવર્સિટીમાંથી સ્લેવોનિક સ્ટડીઝમાં માસ્ટર ડિગ્રી મેળવી. તેઓ મીડિયા જગતનો એક મોટો ચહેરો રહી ચુક્યા છે. ત્યાં ઘણી મોટી અને પ્રતિષ્ઠિત મીડિયા સંસ્થાઓમાં સંપાદકીય હોદ્દા સંભાળનાર DyPM ફ્રીલેન્ડે 2013માં પત્રકારત્વ છોડી દીધું અને રાજકારણમાં પ્રવેશ કર્યો.

ક્રિસ્ટિયા ફ્રીલેન્ડે 2013માં લિબરલ પાર્ટીની ટિકિટ પર ટોરોન્ટો સેન્ટરની સીટ જીતી હતી. 2015માં, નવા ચૂંટાયેલા PM જસ્ટિન ટ્રુડોએ તેમને તેમની પ્રથમ કેબિનેટમાં આંતરરાષ્ટ્રીય વેપાર પ્રધાન બનાવ્યા. 2019માં તેમને DyPM તરીકે નિયુક્ત કરવામાં આવ્યા હતા. 1977માં તત્કાલિન PM પિયર ટ્રુડોએ DyPMનું પદ બનાવ્યું હતું. આ પોસ્ટ 2006થી ખાલી પડી હતી. 2020માં DyPM ક્રિસ્ટિયા ફ્રીલેન્ડને નાણામંત્રીની જવાબદારી પણ સોંપવામાં આવી હતી. સોમવારે તેમણે આ બંને પદ પરથી રાજીનામું આપી દીધું હતું.

DyPM ક્રિસ્ટિયા ફ્રીલેન્ડે પોતાના રાજીનામા પત્રમાં લખ્યું છે કે, PM જસ્ટિન ટ્રુડો શુક્રવારે જ તેમને કહ્યું હતું કે, તેઓ તેમને નાણાં મંત્રાલયમાંથી હટાવવા જઈ રહ્યા છે. PM જસ્ટિન ટ્રુડો તેમને કેબિનેટમાં અન્ય કેટલાક પદની ઓફર પણ કરી હતી, પરંતુ તેમણે સ્પષ્ટ કર્યું ન હતું કે, તેઓ તેમને કયું પદ આપશે. આ પછી DyPM ક્રિસ્ટિયા ફ્રીલેન્ડે નક્કી કર્યું કે તેમની પાસે કેબિનેટમાંથી રાજીનામું આપવા સિવાય બીજો કોઈ વિકલ્પ નથી. PM જસ્ટિન ટ્રુડોને સંબોધીને લખેલા પોતાના પત્રમાં તેમણે લખ્યું છે કે, તેમનો નિર્ણય લેતી વખતે તેમણે સ્પષ્ટ કર્યું છે કે, તમે હવે મારા પર વિશ્વાસ કરતા નથી અને તમને નથી લાગતું કે મારી પાસે એ અધિકાર છે જે આ પદ સાથે આવે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.