કોરોના સામે લડાઈમાં ટાટા બાદ આગળ આવ્યા અડાણી, આપ્યા આટલા કરોડ રૂપિયા

કોરોના વાયરસની લડાઈ સામે આખો દેશ એકજુટ થઈ રહ્યો છે. પ્રધાનમંત્રી રિલીફ ફંડમાં લોકો દિલ ખોલીને દાન કરી રહ્યા છે. આ કડીમાં અડાણી ગ્રુપના પ્રમુખ ગૌતમ અડાણીએ પણ કોરોના સામે લડવા પ્રધાનમંત્રી રિલીફ ફંડમાં 100 કરોડ રૂપિયાના દાનનું એલાન કર્યું છે. ગૌતમ અડાણીએ ટ્વીટ કરીને આ વાતની જાણકારી આપી છે. ગૌતમ અડાણીએ ટ્વીટ કર્યું, કોવિડ-19 સામેની જંગમાં અડાણી ફાઉન્ડેશને PM કેર ફંડમાં 100 કરોડ રૂપિયાનું દાન કર્યું છે. અડાણી ગ્રુપ આગળ પણ સરકારનું સમર્થન કરવા માટે જરૂરી સંસાધનો માટે ફાળો આપતો રહેશે.

ADANI FOUNDATION is humbled to contribute Rs. 100 Cr to the #PMcaresfund in this hour of India’s battle against #COVID19. ADANI GROUP will further contribute additional resources to support the GOVERNMENTS and FELLOW CITIZENS in these testing times.

— Gautam Adani (@gautam_adani) March 29, 2020

આ પહેલા ટાટા સમૂહ દ્વારા 1500 કરોડ રૂપિયાના દાનની જાહેરત કરવામાં આવી હતી. આ પહેલા જાણીતા ઉદ્યોગપતિ અને ટાટા સન્સના માનદ ચેરમેન રતન ટાટાએ ટ્વીટ કરીને ટાટા ટ્રસ્ટ તરફથી 500 કરોડ રૂપિયાની મદદનું એલાન કર્યું હતું. તેની સાથે સાથે ટાટા સન્સે પણ વધારાના 1000 કરોડ રૂપિયાના દાનની જાહેરાત કરી છે. આ રીતે ટાટા સમૂહ તરફથી આ મહામારીનો સામનો કરવા માટે કુલ 1500 કરોડ રૂપિયાનો ફાળો આપવામાં આવ્યો છે.

રતન ટાટાએ ટ્વીટમાં લખ્યું હતું કે, આ દોડમાં કોવિડ-19 સંકટ સૌથી મોટા પડકારોમાંથી એક છે. ટાટા ગ્રુપની કંપનીઓ હંમેશાં આવા સમયમાં દેશની જરૂરિયાતો સાથે ઉભી રહી છે. આ સમયે દેશને અમારી જરૂરિયાત વધારે છે.

The COVID 19 crisis is one of the toughest challenges we will face as a race. The Tata Trusts and the Tata group companies have in the past risen to the needs of the nation. At this moment, the need of the hour is greater than any other time. pic.twitter.com/y6jzHxUafM

— Ratan N. Tata (@RNTata2000) March 28, 2020

ભારતમાં અત્યાર સુધીમાં કોરોના વાયરસ સંક્રમણના કુલ 1071 મામલા સામે આવ્યા છે. આ બીમારીથી અત્યાર સુધીમાં 29 લોકોના મોત થયા છે. તો રાહતની વાત એ છે તે 100 દર્દીઓ અત્યાર સુધીમાં આ બીમારીથી ઠીક થઈ ચૂક્યા છે. કોરોના વાયરસ ન ફેલાય તે માટે સરકાર લોકડાઉન, સોશિયલ ડિસ્ટન્સિંગ સહિત દરેક રીતના પગલા ઉઠાવી રહી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.