KGF નિર્માતાની નવી એક્શન થ્રિલર ફિલ્મ 'બગીરા’ની જાહેરાત, શૂટિંગ શરૂ થયું

આ નવી એક્શન થ્રિલર ફિલ્મનું નામ ‘બગીરા’ છે. દિગ્દર્શક પ્રશાંત નીલે આ ફિલ્મ લખી છે અને ડૉ. સૂરી તેનું નિર્દેશન કરી રહ્યા છે. ફિલ્મના હીરો શ્રી મુરલી હશે, જે ઉગ્રામ ફિલ્મમાં જોવા મળ્યા હતા. ડિરેક્ટર પ્રશાંત નીલ અને પ્રોડક્શન હાઉસે ફિલ્મના પોસ્ટર બાદ હવે મુહૂર્તના ફોટા શેર કર્યા છે. ‘બગીરા’નું શૂટિંગ શરૂ, kgf ના નિર્દેશક પ્રશાંત નીલે લખી છે વાર્તા,

યશની બ્લોકબસ્ટર હિટ ફિલ્મ KGF ચેપ્ટર 2 ના નિર્માતાઓએ તેમના નવા પ્રોજેક્ટની જાહેરાત કરી છે. પ્રોડક્શન હાઉસ હોમ્બલે ફિલ્મ્સે શુક્રવારે જાહેરાત કરી કે તેઓ એક નવી કન્નડ એક્શન ફિલ્મ બનાવવા જઈ રહ્યા છે. આ ફિલ્મનું શૂટિંગ પણ શરૂ થઈ ગયું છે. ફિલ્મના મુહૂર્તની તસવીરો પણ શેર કરવામાં આવી છે.

આ નવી એક્શન થ્રિલર ફિલ્મનું નામ ‘બગીરા’ છે. દિગ્દર્શક પ્રશાંત નીલે આ ફિલ્મ લખી છે અને ડૉ. સૂરી તેનું નિર્દેશન કરી રહ્યા છે. ફિલ્મના હીરો શ્રી મુરલી હશે, જે ઉગ્રામ ફિલ્મમાં જોવા મળ્યા હતા. ડિરેક્ટર પ્રશાંત નીલ અને પ્રોડક્શન હાઉસે ફિલ્મના પોસ્ટર બાદ હવે મુહૂર્તના ફોટા શેર કર્યા છે..

2020 માં, પ્રશાંત નીલે અભિનેતા શ્રી મુરલીને તેમના જન્મદિવસ પર અભિનંદન આપતા ‘બગીરા’ના પોસ્ટર શેર કર્યા છે. તેમજ પ્રશાંતે જણાવ્યું કે તેણે પોતાના પ્રથમ માસ હીરો માટે વીરતાની વાર્તા લખી છે. આ ફિલ્મને લઈને ચાહકોમાં ભારે ઉત્સાહ જોવા મળી રહ્યો છે. ઘણા ચાહકોએ શ્રી મુરલીના ફોટા પણ શેર કર્યા છે.

આ દિવસોમાં પ્રશાંત નીલ તેની નવી ફિલ્મ KGF ચેપ્ટર 2ની સફળતાનો આનંદ માણી રહ્યો છે. આ ફિલ્મમાં યશે રોકી ભાઈની ભૂમિકા ભજવી હતી. 2018માં આવેલી KGFની આ સિક્વલમાં, કોલાર ગોલ્ડ ફિલ્ડ્સમાં રાજ અને અધીરા સાથેની રોકીની લડાઈ બતાવવામાં આવી છે. આ ફિલ્મે વિશ્વભરમાં 1200 કરોડથી વધુનું કલેક્શન કર્યું છે. તે જ સમયે, તેના હિન્દી સંસ્કરણે લગભગ 450 કરોડ રૂપિયાની કમાણી કરી છે.

KGF ચેપ્ટર 2 તેની રજૂઆતના પાંચમા સપ્તાહમાં પણ જોરદાર કમાણી કરી રહ્યું છે. આ ફિલ્મની કમાણી અટકવાનું નામ નથી લઈ રહી. ફિલ્મમાં યશ સાથે શ્રીનિધિ શેટ્ટી, સંજય દત્ત, રવિના ટંડન અને પ્રકાશ રાજ જેવા સ્ટાર્સે કામ કર્યું છે. આ ફિલ્મ 14 એપ્રિલ 2022ના રોજ રીલિઝ થઈ હતી. ફિલ્મના નિર્માતા વિજયે થોડા દિવસો પહેલા કહ્યું હતું કે તે ઓક્ટોબર 2022માં KGF 3નું શૂટિંગ શરૂ કરવા જઈ રહ્યો છે. આ ફિલ્મ 2024 સુધીમાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.