બટાકાની ફૂગને દૂર કરતું બેક્ટેરિયલ કલ્ચર વિકસાવાયું, 3 હજાર કરોડનો પાક બચી શકશે

બટાકાની ખેતીમાં બ્લાઇટ નામની ફૂગ જન્ય રોગથી બટાકામાં 50 ટકા નુકસાન થાય છે. આ ફૂગનો સર્વનાશ કરે એવી વૈજ્ઞાનિકોએ 99 ટકા સુધી અસરકારક ટેકનોલોજી વિકસાવી છે. રોગથી પાક સાફ ન થતાં ગુજરાતને 1500થી 3 હજાર કરોડનો ફાયદો થઈ શકે છે.

વાવેતરના 3 થી 4 અઠવાડિયા પછી દેખાવા લાગે છે. છોડના નીચલા પાંદડા પર નાના ફોલ્લીઓ દેખાય છે. જેમ જેમ રોગ આગળ વધે છે તેમ, ફોલ્લીઓનું કદ અને રંગ પણ વધે છે. જેમ જેમ રોગ વધે છે, પાંદડા સંકોચાઈ જાય છે અને ખરી પડે છે. દાંડી પર ભૂરા અને કાળા ફોલ્લીઓ પણ દેખાય છે. બટાકાનું કદ નાનું રહે છે.

બટાકામાં બે પ્રકારના બ્લાઈટ રોગો છે, એક વહેલો અવતો બ્લાઈટ અને બીજો આવતો મોડો બ્લાઈટ રોગ છે.  બેક્ટેરિયા પ્રારંભિક બ્લાઈટ સામે અસરકારક છે.  સંપૂર્ણપણે અસરકારક છે. સ્પ્રેની મદદથી ખેતરમાં છાંટીએ તો તે વધુ ફાયદાકારક રહેશે. વાવણી પહેલાં જમીનની સારવાર પણ કરી શકાય છે.

બટાટાનું વાવેતર 1.25 લાખ હેક્ટરમાં ગુજરાતમાં વાવેતર થાય છે. હેક્ટરે વધું બટાટા પકવવામાં ગુજરાતના ખેડૂતો દેશમાં પ્રથમ નંબરે છે. ગુજરાતમાં ખરીફ અને ઉનાળામાં બટાટા પાકતા નથી. રવિ એટલે કે શિયાળુ વાવેતર 1.18 લાખ હેક્ટરમાં 2019-20માં થયા હતા. 36.65 લાખ ટન અંદાજીત ઉત્પાદન થયું હતું. જે હેક્ટર દીઠ લગભગ 31 હજાર કિલો ઉત્પાદન થાય છે. ભારતની એક હેક્ટર દીઠ ઉત્પાદકતા 23 હજાર કિલોની છે.

2021માં છેલ્લા સારા વરસાદના કારણે ગુજરાતમાં બટાકાનું ઉત્પાદન 40 લાખ ટનને પાર કરી જઈ શકે છે. ઉત્તર ગુજરાત અને મધ્ય ગુજરાતમાં સારો વરસાદ થયો હોવાથી ભૂગર્ભ પાણીથી ભરેલું છે.ગુજરાતમાં બટાટાના ઉત્પાદનમાં ચોથા નંબર પર છે પણ, એક હેક્ટર દીઠ ઉત્પાદકતાં સમગ્ર ભારત કરતાં સૌથી વધું છે.

બટાટાની વાવણી ચોમાસુ પૂરું થતાં જ શરૂ થશે. જેમાં ગુજરાતમાં 3.80 લાખ ટન બટાટાનું બિયારણ જોઈશે. 2019 – 20માં બટાટાનું ભારતમાં ઉત્પાદન 513 લાખ ટન, 2018-19માં 501.90 લાખ ટન હતું.

2010-11માં 55 હજાર હેક્ટરમાં બટાટાનું વાવેતર થયુ હતું. 12.82 લાખ ટન ઉત્પાદન થયું હતું. હેક્ટરે સરેરાશ 23280 કિલો ઉત્પાદન થયું હતું.  એક દાયકામાં બે ગણું વાવેતર અને બે ગણાથી વધારે ઉત્પાદન વધ્યું છે. હેક્ટર દીઠ 8 હજાર કિલો વધારે બટાટા પાકવા લાગ્યા છે.

એક કિલો બટાટા પેદા કરવાનું ખર્ચ રૂ.3.22થી 4.84 છે. ખેડૂતો એક કિલોના રૂ.7ની અપેક્ષા રાખે છે. તે હિસાબે રૂ.3 હજાર કરોડનું ખેડૂતો વેચાણ કરે છે.  જે વેપારીઓ રૂ.6 હજાર કરોડથી રૂ.10 હજાર કરોડમાં વેંચે છે.

10 વર્ષ પહેલા ગુજરાતના કુલ ઉત્પાદનમાં બનાસકાંઠા અને અરવલી જિલ્લો મળીને 75 ટકા હિસ્સો છે. બનાસકાંઠામાં 78 હજાર હેક્ટર વાવેતરમાં 24 લાખ ટન બટાટા એકલા બનાસકાંઠામાં થયા હતા.33 જિલ્લામાંથી 16 જિલ્લામાં બટાટા પાકે છે.

11 થી 12 લાખ ટન બટાટા કોલ્ડ સ્ટોરેજમાં રખાય છે.2016-17માં આખા દેશમાં 4.82 કરોડ ટન બટાટા પેદા થયા હતા. જેમાં ગુજરાતનો હિસ્સો 7.43 ટકા હતો. ઉત્તર પ્રદેશમાં 1.50 કરોડ ટન બટાટા પાક્યા હતા.

2018-19માં બટાટા પેદા કરતાં ટોચના 10 રાજ્યો

ઉત્તરપ્રદેશ          1.53 કરોડ ટન

પશ્ચિમ બંગાળ     1.38 કરોડ ટન

બિહાર              81.01 લાખ ટન

ગુજરાત             37.07 લાખ ટન

મધ્યપ્રદેશ           32.77 લાખ ટન

પંજાબ               27.24 લાખ ટન

આસામ             11.17 લાખ ટન

હરિયાણા            8.28 લાખ ટન

ઝારખંડ              6.94 લાખ ટન

છત્તીસગઢ           6.60 લાખ ટન

 

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.