શશી થરૂર પણ બોલ્યા ફિલ્મ 'પદ્માવતી' વિવાદ પર

કોંગ્રેસના સાંસદ શશી થરૂરે ફિલ્મ 'પદ્માવતી'ને લઈને ચાલી રહેલા વિવાદને સંપૂર્ણ વાહિયાત ગણાવ્યો હતો. થરૂરે કેરલમાં ચાલી રહેલા 22માં કેરળ આંતરરાષ્ટ્રીય ફિલ્મ ફેસ્ટીવલમાં ‘Freedom of Expression’ વિષય પર ચાલી રહેલી ચર્ચામાં હિસ્સો લેતા કહ્યું હતું કે, 'કોઈને પણ આ કહેવાનો હક નથી કે કોઈ ફિલ્મ અથવા પુસ્તકમાં શં હોવું જોઈએ અને શું નહીં.' તેમણે એ પણ કહ્યું હતું કે, 'પદ્માવતીને' લઈને ચાલી રહેલો વિવાદ એકદમ વાહિયાત છે. આપણે એવા સમયમાં છીએ જ્યાં કોઈને કંઈ પણ બોલવાની આઝાદી છે.' આ ચર્ચામાં હિસ્સો બનેલી અપર્ણા સેને પણ કહ્યું હતું કે, 'આઝાદીના વિચાર, ખાસ કરીને રચનાત્મક કલાકારોની આઝાદીના વિચારને લઈને કોઈ સમજોતા થઈ શેક તેમ નથી.'