26th January selfie contest

ગુજરાતની આ યુનિવર્સિટીએ વિકસાવ્યા આમળા અને ગાજરના કૂચામાંથી બિસ્કિટ-બ્રેડ

PC: stylecraze.com
આમળા ફળ અને કંદમૂળ ગાજરનો રસ કાઢી લીધા બાદ રહી ગયેલા માવાના પાઉડરમાંથી બ્રેડ કે બિસ્કીટ બનાવવાની ટેકનોલોજી આણંદ કૃષિ યુનિવર્સિટીએ વિકસાવી છે. જે ગ્રામ્ય વિસ્તારમાં કોઈ નાના ખેડૂત પોતે બ્રેડ અને બિસ્કીટ બનાવી શકે એવી સાદી પ્રક્રિયા ધરાવતી ટેકનોલોજી વિકસાવીને છે.  

હાઈફાઈબર બિસ્કીટને સામાન્ય વાતાવરણમાં પ્લાસ્ટિક કન્ટેનર તેમજ એલ્યુમિનિયમ ફોઈલમાં અઢી મહિના સુધી સંગ્રહ કરી શકાય છે. આણંદ કૃષિ યુનિવર્સિટીના બાગાયતી વિભાગ દ્વારા આ ટેકનિક વિકસાવી છે. અગાઉ આમળા અને ગાજરના રસ કાઢી લીધા બાદ તેના પાઉડરનો બહું ખાસ ઉપયોગ થતો ન હતો. માવાનો પાઉડર 25 ટકાના દરે ઉમેરીને હાઈ ફાઈબર બ્રેડનું ઉત્પાદન કરવા માટે કૃષિ યુનિવર્સિટીએ લાંબા સંશોધન બાદ ભલામણ કરી છે. 

આમળાનો રસ કાઢી લીધા બાદ રહી ગયેલા માવાનો પાઉડર 12 ટકાના દરે હાઈ ફાઈબર બિસ્કીટનું ઉત્પાદન કરવા ભલામણ કરવામાં આવી છે. 
ગાજરનો રસ કાઢી લીધા બાદ રહી ગયેલા માવાના પાઉડરનો ઉપયોગ 4 ટકાના દરે ઉમેરીને હાઈ ફાઈબર બ્રેડ અને 20 ટકા પાઉડર ઉમેરીને બિસ્કીટ બનાવી શકાય છે. શિયાળોશરૂ થતાની સાથે બજારોમાં પુષ્કળ આમળા જાય છે. અમૃત ફળ આમળા આરોગ્યની દ્દષ્ટિએ ખૂબ ગુણકારી છે. આયુર્વેદની 50 ટકાથી વધુ દવાઓમાં મુખ્ય ઘટક તરીકે આમળાનો ઉપયોગ થાય છે. 

 

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp