10 મિનિટમાં પિત્ઝા ડિલિવરી સર્વિસ પર ભડક્યા TMC સાંસદ, સંસદમાં મુદ્દો ઉઠાવશે

ફુડ ડિલિવરી સર્વિસમાં જાણે સ્પર્ધા થઇ રહી હોય એવું લાગી રહ્યું છે. કંપનીઓ જેમ બને તેમ જલ્દી અને ઝડપથી ગ્રાહકોને ફુડ કે જરૂરી ચીજવસ્તુઓ મળી રહે તેના માટે સતત પ્રયાસ કરતા રહે છે.

એક કંપનીએ 10 મિનિટની અંદર ફુડ ડિલિવરી કરવાનું વચન આપતા પશ્ચિમ બંગાળના મહિલા સાંસદ ભડક્યા છે અને તેમણે કહ્યું કે આના માટે નિયમો બનવા જોઇએ.

તૃણમૂલ કોંગ્રેસ (TMC)ના સાંસદ મહુઆ મોઇત્રાએ ટ્વીટ કર્યું હતું કે તે સંસદના આગામી ચોમાસુ સત્રમાં 10 મિનિટની અંદર ફુડ ડિલિવરી સર્વિસના ફૂડ ઓર્ડરિંગ એપ્સના વચનનો મુદ્દો ઉઠાવશે. સાંસદે કહ્યું કે 10 મિનિટમાં ભોજન પહોંચાડવાનું વચન માત્ર ડિલિવરી કરનાર વ્યક્તિને ટ્રાફિકના નિયમો તોડવા માટે મજબૂર કરતું નથી, પરંતુ અન્ય લોકોના જીવને પણ જોખમમાં મૂકે છે. TMC સાંસદે આવી સેવા માટે નિયમ બનાવવાની હાકલ કરી હતી.

10 minute deliveries need to be regulated/outlawed.
No civilised society can be incentivising delivery executives to break traffic rules & put own & other’s lives at risk. All for a quicker pizza.

Am going to raise this in parliament.

— Mahua Moitra (@MahuaMoitra) May 29, 2022

પશ્ચિમ બંગાળના કૃષ્ણનગરની સાંસદ મહુઆએ દલીલ કરી હતી કે,  આપણે જ્લદી પિત્ઝા ખાવા માટે આ બધું કરી રહ્યા છીએ. પરંતુ કોઈ પણ સંસ્કારી સમાજ એવી સેવાને પ્રોત્સાહિત કરશે નહીં જે પિત્ઝા ખાતર નિયમો અને કાયદાનો ભંગ તતો હોય ભંગ કરે. માર્ચમાં ઓનલાઈન ફૂડ ડિલિવરી પ્લેટફોર્મ Zomatoને તેની 10 મિનિટની ડિલિવરી સેવા માટે સોશિયલ મીડિયા પર ટીકાઓનો સામનો કરવો પડ્યો હતો. ઘણાએ કહ્યું હતું કે કંપનીનું પગલું ડિલિવરી ભાગીદારોને મુશ્કેલ અને અસુરક્ષિત કામકાજ માહોલમાં ધકેલશે.

ટીકા પર સ્પષ્ટતા કરતા, Zomatoના સ્થાપક દીપેન્દ્ર ગોયલે ટ્વીટ કર્યું હતું કે 10-મિનિટની ડિલિવરી સેવા માત્ર ચોક્કસ, નજીકના સ્થાનો અને લોકપ્રિય વસ્તુઓ માટે જ હશે. ગોયલે કહ્યું હતું કે, ઝોમેટો ડિલિવરી પાર્ટનરને મોડી ડિલિવરી માટે કોઈ સજા નહીં મળે. જ્યારે 10 અને 30 મિનિટની ડિલિવરી માટે, સમયસર આવવા માટે કોઈ પુરસ્કાર નહીં મળે.

Zomato એવી પહેલી કંપની નથી કે જેણે 10 મિનિટમાં ડિલિવરી સેવા આપવા બદલ ટીકાનો સામનો કરવો પડ્યો હોય. 2021માં, ઓનલાઇન ગ્રોસરી સ્ટાર્ટઅપ ગ્રોફર્સ (હવે બ્લિંકિટ) ના સ્થાપક જે 10 મિનિટમાં કરિયાણાની ડિલિવરી કરવાનું વચન આપે છે તેને પણ ટીકાઓનો સામનો કરવો પડ્યો. કંપનીના માલિકો આનાથી દુઃખી થયા હતા અને તેમણે ટ્વીટમાં લખ્યું હતું કે કંપનીની ટીકા જોઈને મારું હૃદય તૂટી ગયું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.