કાપડ મંત્રાલયની 160 કરોડના ખર્ચ સાથે હસ્તકલા ક્લસ્ટર યોજના ચાલુ રાખવાની મંજૂરી

સરકારે જણાવ્યું હતું કે, કાપડ મંત્રાલયે 160 કરોડના કુલ ખર્ચ સાથે વ્યાપક હસ્તકલા ક્લસ્ટર વિકાસ યોજના (CHCDS) ચાલુ રાખવાની મંજૂરી આપી છે. આ યોજના માર્ચ 2026 સુધી ચાલુ રહેશે. આ યોજના અંતર્ગત હસ્તકલા કારીગરોને માળખાકીય સપોર્ટ, માર્કેટ એક્સેસ, ડિઝાઇન અને ટેક્નોલોજી અપગ્રેડેશન સપોર્ટ વગેરે આપવામાં આવશે.

સીએચસીડીએસનું લક્ષ્ય ઉત્પાદન અને નિકાસને વેગ આપવા માટે સ્થાનિક કારીગરો અને એસએમઇની વ્યાવસાયિક જરૂરિયાતોને પૂરી કરતી વિશ્વસ્તરીય માળખાગત સુવિધાઓ બનાવવાનું છે. સંક્ષિપ્તમાં, આ ક્લસ્ટરોની સ્થાપનાનો મુખ્ય ઉદ્દેશ કારીગરો અને ઉદ્યોગસાહસિકોને આધુનિક માળખાગત સુવિધાઓ, નવીનતમ ટેક્નોલોજી, અને પર્યાપ્ત તાલીમ અને માનવ સંસાધન વિકાસના ઇનપુટ્સ સાથે બજાર જોડાણ અને ઉત્પાદન વૈવિધ્યતા સાથે વિશ્વસ્તરીય એકમો સ્થાપવામાં મદદ કરવાનો છે.

CHCDS હેઠળ, બેઝલાઇન સર્વે અને એક્ટિવિટી મેપિંગ, સ્કિલ ટ્રેનિંગ, સુધારેલ ટૂલ કિટ્સ, માર્કેટિંગ ઇવેન્ટ્સ, સેમિનાર, પ્રચાર, ડિઝાઇન વર્કશોપ, કેપેસિટી બિલ્ડિંગ વગેરે જેવા સોફ્ટ ઇન્ટરવેંશન આપવામાં આવશે. સામાન્ય સુવિધા કેન્દ્રો, એમ્પોરિયમ, કાચી સામગ્રી બેન્કો, વેપાર સુવિધા કેન્દ્રો, સામાન્ય ઉત્પાદન કેન્દ્રો, ડિઝાઇન અને સંસાધન કેન્દ્રો જેવા સખત હસ્તક્ષેપોને પણ મંજૂરી આપવામાં આવશે.

કેન્દ્રીય/રાજ્ય હસ્તકલા કોર્પોરેશનો/સ્વાયત્ત, બોડી-કાઉન્સિલ-સંસ્થા/રજિસ્ટર્ડ સહકારી/કારીગરોની ઉત્પાદક કંપની/રજિસ્ટર્ડ એસપીવી, જરૂરિયાત મુજબ અને હેતુ માટે તૈયાર કરેલ ડીપીઆર મુજબ હસ્તકલા ક્ષેત્રમાં સારો અનુભવ ધરાવતો સંકલિત પ્રોજેક્ટ્સ વિકાસ માટે લેવામાં આવશે. છૂટાછવાયા કારીગરોના એકીકરણ, તેમના ગ્રાસ રૂટ લેવલ સાહસોનું નિર્માણ અને તેમને હસ્તકલા ક્ષેત્રમાં SMEs સાથે જોડવા પર ધ્યાન કેન્દ્રિત કરવામાં આવશે જેથી સ્કેલનું અર્થતંત્ર સુનિશ્ચિત થાય. 10,000થી વધુ કારીગરો ધરાવતા મેગા હસ્તકલા ક્લસ્ટરોને આ યોજના હેઠળ સર્વાંગી વિકાસ માટે પસંદ કરવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.