સુરતમાં ફ્લેટમાં ચાલતા નકલી નોટના કારખાનામાં Rs. 85.62 લાખ પકડાયા

સુરતના સચિન વિસ્તારમાં નકલી નોટ છાપવાનું કારખાનું ઝડપાયું છે. જેમાંથી 85.62 લાખ રૂપિયા પોલીસે કબ્જે કર્યા હોવાની પ્રાથમિક જાણકારી મળી છે.

પોલીસ સૂત્રોના જણાવ્યા અનુસાર શનિવારે બાતમીના આધારે પોલીસે સચિન વિસ્તારના શિવરંજની એપાર્ટમેન્ટના 10 માળે ફ્લેટ નંબર 1001માં દરોડો પાડ્યો હતો. દરોડામાં નકલી નોટો મળી આવી હતી. પોલીસે બન્ને બાજુ છાપેલી રૂ. 23.30 લાખની અને એકબાજુ છપાયેલી 62.32 લાખની નોટો પકડી હોવાની પ્રાથમિક માહિતી મળી છે. પોલીસે એક વ્યક્તિની અટક કરી છે એક વોન્ટેડ છે. એક સ્વીફટ કાર સહિત રૂ. 90.84 લાખનો મુદ્દામાલ જપ્ત કર્યો છે. અહીં 2 હજાર, 500 અને રૂ. 100ની નોટો છાપવામાં આવતી હતી. ફ્લેટમાં ડિજિટલ ફોટોકોપીયર મશીનથી નોટો છપાતી હોવાનું બહાર આવ્યું છે. આ અંગે વધુ વિગતો આપવા માટે એક પ્રેસકોન્ફરન્સ પણ બોલાવાઇ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.