IAFના ક્રેશ વિમાન AN-32 માં સવાર કોઇ પણ બચ્યું નથી, વાયુસેનાનો સ્વીકાર

ભારતીય વાયુસેનાના લાપતા થયેલા વિમાન AN-32માં સવાર એક પણ યાત્રી જીવિત ન હોવાની વાતનો સ્વીકાર ભારતીય વાયુસેનાએ ગુરૂવારે કર્યો હતો. ભારતીય વાયુસેનાએ પોતાની સત્તાવાર ટ્વીટર એકાઉન્ટ પર આની જાહેરાત કરી હતી. ટ્વીટમાં લખવામાં આવ્યું છે કે આઠ સભ્યોનું એક બચાવ દળ ક્રેશ સાઇટ પર પહોંચી ગયું છે જ્યાં એક પણ જીવંત શખ્સ મળ્યો નથી. એએન-32 વિમાનમાં સવાર થયેલા 13 કર્માચારીઓના પરિજનોને એક પણ વ્યક્તિ જીવિક ન હોવાની માહિતી આપી દેવામાં આવી છે.

#Update on #An32 crash: Eight members of the rescue team have reached the crash site today morning. IAF is sad to inform that there are no survivors from the crash of An32.

— Indian Air Force (@IAF_MCC) June 13, 2019

ભારતીય વાયુસેનાએ ટ્વીટ કરીને કહ્યું કે, AN-32 વિમાનના દુખદ ક્રેશમાં જે વાયુયોદ્ધાઓએ પ્રાણ ગુમાવ્યાં છે જેમાં જીએમ ચાર્લ્સ, એચ. વિનોદ, આર. થાપા, એ.તંવર, એસ. મોહન્તી, કે.કે. મિશ્રા, અનુપ કુમાર, શેરીન, એસકે સિંહ, પંકજ પુતાલી અને રાજેશ કુમારનો સમાવેશ થાય છે. સાથે જ લખ્યું છે કે 3 જૂને થયેલા AN-32 વિમાના ક્રેશમાં પ્રાણ ગુમાવનાર તમામ બહાદૂર વાયુયોદ્ધાઓને વાયુસેના શ્રધ્ધાંજલિ અર્પણ કરે છે અને પરિવારની સાથે છે.

ઉલ્લેખનીય છે કે અરૂણાચલ પ્રદેશના સિયાંગ અને શી યોમી જિલ્લાઓના સીમા પર ગટ્ટે ગામ પાસે સમદ્ર તળથી 12,000 ફિટની ઊંચાઇ પર વાયુસેનાના MI-17 હેલિકોપ્ટર દ્વારા કાટમાળ જોયા બાદ પર્વતારોહક દળમાંથી નવ કર્મચારી, સેનાના ચાર જવાનો અને બે અસૈન્ય પર્વતારોહીઓને રવાના કરવામાં આવ્યાં હતા. આઠ દિવસોના અભિયાન બાદ વાયુસેનાએ આ ક્રેશ થયેલા વિમાનને શોધવામાં સફળતા મેળવી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.