Notification

Favourite List

ગોરખપુરની ઘટના અંગે સેહવાગની ટ્વીટ પર ભડક્યા લોકો, જુઓ ટ્વીટ

13 Aug, 2017
12:45 PM
PC: indianexpress.com

ગોરખપુરની BRD હોસ્પિટલમાં ઓક્સિજનની અછતના કારણે 5 દિવસમાં લગભગ 63 બાળકોનું મૃત્યુ થયું છે. તેના પર ભારતના ઓપનિંગ બેટ્સમેન વિરેન્દ્ર સેહવાગે ટ્વીટ કરી હતી કે તેમને આ ઘટનાનું ખૂબ દુઃખ છે, અત્યારસુધીમાં ઈન્સેફેલીટીસ નામની બીમારીથી લગભગ 50 હજારથી વધારે બાળકોનું મૃત્યુ થયું છે. તેની સાથે તેણે બીજી ટ્વીટ કરી હતી કે આ બીમારીનો પ્રથમ કેસ તેમના જન્મના વર્ષ 1978માં સામે આવ્યો હતો તેમ છતાં તેની સારવાર માટે કોઈ સેવા શોધાઈ ન હોવાનું જાણીને દુઃખ થાય છે.

સેહવાગની આ ટ્વીટ પર ઘણાં લોકોએ તેને ટ્રોલ કર્યો હતો કેમકે તેમણે પોતાની ટ્વીટમાં BJP સરકારનો ઉલ્લેખ કર્યો ન હતો. લોકોએ સેહવાગને BJP સરકારનો ઉલ્લેખ ન કરવા બદલ ખરીખોટી સંભળાવી હતી. લોકોએ તેને BJP સરકારની દલાલી બંધ કરવાનું પણ જણાવ્યું હતું. લોકોનું કહેવું હતું કે ઓક્સિજન સપ્લાય પૂરતી ન હોવાના કારણે આ બાળકોનું મૃત્યુ થયું હતું. આ ઘટના દરમિયાન ઓક્સિજન વિક્ષેપ વિશે અધિકારીઓ વચ્ચે થયેલા પત્રાચારની એક કોપી સામે આવી હતી.

HT મીડિયા પ્રમાણે હોસ્પિટલે ઓક્સિજન સપ્લાઈ કરનારી કંપની પુષ્પા સેલ્સને ₹68,58,596 આપવાના બાકી હતા, આ સંદર્ભે કંપનીએ સપ્લાઈ રોકવાની ચેતવણી પણ આપી હતી. સરકારે બાબા રાઘવ દાસ મેડિકલ કોલેજ હોસ્પિટલમાં થયેલ આ ઘટનાની તપાસના આદેશ આપ્યા હતા. આ સાથે હોસ્પિટલ પાસે ભારી સંખ્યામાં સુરક્ષાદળની પોસ્ટિંગ કરવામાં આવી હતી.