શું TikTok અને BGMI ભારતમાં પરત આવશે? CEOનો દાવો- આ ગેમ પર પ્રતિબંધ નથી

ભારતમાં તાજેતરમાં BGMI પર પ્રતિબંધ મૂકવામાં આવ્યો છે. નામ બદલીને ભારતમાં પુનરાગમન કરવાવાળી એપ્સની લિસ્ટમાં આ ગેમનું નામ ટોચ પર હતું. આ એપને ગૂગલ પ્લે સ્ટોર અને એપલ એપ સ્ટોર પરથી હટાવી દેવામાં આવી છે. શરૂઆતથી જ એપને PUBG મોબાઈલનું સ્વદેશી વર્ઝન (ભારતીય વર્ઝન) કહેવામાં આવી રહ્યું હતું.

PUBG મોબાઈલ એ ભારતમાં સૌથી વધુ લોકપ્રિય મોબાઈલ ગેમ હતી. એ જમાનામાં બીજું નામ હતું, જેની ખૂબ ચર્ચા થઈ. અમે ટૂંકા વિડિયો પ્લેટફોર્મ TikTok વિશે વાત કરી રહ્યા છીએ.

વર્ષ 2020માં પ્રતિબંધિત એપ્સની યાદીમાં TikTokનું નામ પણ હતું. આ એપને વર્ષ 2020માં ભારત સરકાર દ્વારા રાષ્ટ્રીય સુરક્ષાના કારણોસર 58 અન્ય એપ સાથે પ્રતિબંધિત કરવામાં આવી હતી. હવે એવા અહેવાલો છે કે આ એપ પુનરાગમન કરવા જઈ રહી છે.

થોડા મહિનાઓ પહેલા, TikTokની પેરેન્ટ કંપની Byetdance ભારતમાં પરત ફરવા માટે મુંબઈ સ્થિત કંપની સાથે વાતચીત કરી રહી હતી. Skyesports CEO શિવ નંદીએ TikTokને ભારતમાં પુનરાગમન  કરવાની પુષ્ટિ કરી છે. શિવ નંદીએ જણાવ્યું કે TikTok ભારત પરત ફરવાની તૈયારી કરી રહ્યું છે.

તેણે કહ્યું, 'જો સૂત્રોનું માનીએ તો TikTok ભારત પરત ફરવા માટે તૈયાર છે. આવી સ્થિતિમાં, BGMI પણ 100% પાછા આવશે. જો બધું બરાબર ચાલે છે, તો ટૂંક સમયમાં સ્વતંત્રતા થશે.

નંદીએ પોતાની ઈન્સ્ટાગ્રામ સ્ટોરીમાં આ નિવેદન આપ્યું છે. BGMI પ્રતિબંધ પર નંદીએ કહ્યું કે, આ નિર્ણય અચાનક લેવામાં આવ્યો નથી. સરકાર છેલ્લા 5 મહિનાથી પ્રતિબંધ પર વિચાર કરી રહી હતી.

નંદીએ કહ્યું, 'આ અચાનક થયેલી કાર્યવાહી નથી. આ તમામ પ્રક્રિયા છેલ્લા 5 મહિનાથી ચાલી રહી હતી. પરંતુ તેને પ્લે સ્ટોર પરથી હટાવવાના એક અઠવાડિયા પહેલા, સરકારે ક્રાફ્ટન મુખ્યાલયને એક નોટિસ મોકલી હતી. રમતને પ્લે સ્ટોરમાંથી હટાવવાના બે દિવસ પહેલા અમને એક સંકેત મળ્યો હતો.

જો Skyesportsના CEOની વાત માનીએ તો BGMI પણ ટૂંક સમયમાં ભારતમાં પુનરાગમન કરશે. નંદી કહે છે કે BGMI પર પ્રતિબંધ મૂકવામાં આવ્યો નથી, પરંતુ વચગાળાનો આદેશ છે. જો કે હજુ સુધી ક્રાફ્ટને આ મામલે કોઈ માહિતી આપી નથી.

આ કોઈ પહેલીવાર નથી કે જ્યારે TikTok અથવા અન્ય કોઈ પ્રતિબંધિત ગેમ અથવા એપની પરત ફરવાની વાત થઈ હોય. આ પહેલા પણ ઘણા પ્રસંગોએ આવા સમાચાર આવી ચૂક્યા છે. જૂનની શરૂઆતમાં, એવા અહેવાલો આવ્યા હતા કે Bytedance ભારત પરત ફરવા માટે હિરાનંદાની જૂથ સાથે વાટાઘાટો કરી રહી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.