AAPમાંથી આશુતોષે આપ્યું રાજીનામું, શું કહ્યું અરવિંદ કેજરીવાલે રાજીનામા વિશે?
પત્રકારત્વ છોડીને આમ આદમી પાર્ટીમાં જોડાયેલાં આશુતોષે પાર્ટીમાંથી રાજીનામું આપી દીધું છે. આશુતોષે આ વિષયમાં પોતાના ટ્વીટર એકાઉન્ટ પરથી રાજીનામાંની જાહેરાત કરી હતી અને કહ્યું કે તેઓ અંગત કારણસર આવું કરી રહ્યા છે.
જોકે થોડાં જ કલાકોમાં આમ આદમી પાર્ટીના પ્રમુખ અને દિલ્હીના મુખ્યમંત્રી અરવિંદ કેજરીવાલએ આશુતોષની ટ્વીટને રિપ્લાય કરતા લખ્યું કે 'આ જનમમાં તો તમારું રાજીનામું સ્વીકારવામાં નહીં આવે.'
How can we ever accept ur resignation?
— Arvind Kejriwal (@ArvindKejriwal) August 15, 2018
ना, इस जनम में तो नहीं। https://t.co/r7Y3tTcIOZ
અરવિંદ કેજરીવાલે બીજી ટ્વીટમાં લખ્યું કે 'સર, અમે બધા તમને ખૂબ પ્રેમ કરીએ છીએ.'
.@ashutosh83B सर, हम सब आपको बहुत प्यार करते हैं। https://t.co/2JuZeQbifz
— Arvind Kejriwal (@ArvindKejriwal) August 15, 2018
આ અગાઉ આશુતોષે ટ્વીટર પર લખ્યું હતું કે ,'બધો સફર અહીં સમાપ્ત થાય છે. AAP સાથે મારા સુંદર/ક્રાંતિકારી સંબંધ સમાપ્ત થઈ ગયા છે. મેં પાર્ટીમાંથી રાજીનામું આપી દીધું છે અને PACને તેનો સ્વીકાર કરવાનો અનુરોધ કર્યો છે. આ સંપૂર્ણપણે વ્યક્તિગત કારણોસર કરી રહ્યો છું. પાર્ટી અને અન્ય લોકોએ જેમણે મારો સાથ આપ્યો છે તેમનો અભાર.'
Every journey has an end. My association with AAP which was beautiful/revolutionary has also an end.I have resigned from the PARTY/requested PAC to accept the same. It is purely from a very very personal reason.Thanks to party/all of them who supported me Throughout.Thanks.
— ashutosh (@ashutosh83B) August 15, 2018
આ ઉપરાંત તેમણે એવી ટ્વીટ પણ મૂકી હતી કે મીડિયાના મિત્રો આ વિષયને લઈને તેમને ફોન ન કરે.
To media friends. Please respect my privacy. I won’t be giving any bite of any kind. Please cooperate.
— ashutosh (@ashutosh83B) August 15, 2018
શું છે નારાજગી?
પત્રકારત્વ છોડીને આશુતોષ 2014મા આમ આદમી પાર્ટીમાં જોડાયા હતા. તે જ વર્ષે લોકસભાની ચૂંટણીમાં તેઓ ચાંદની ચોકથી પાર્ટીના ઉમેદવાર બન્યા હતા પરંતુ તેઓ ત્રણ લાખથી વધુ વોટથી હારી ગયા હતા.
આશુતોષને દિલ્હીના મુખ્યમંત્રી અરવિંદ કેજરીવાલના ખૂબ નજીકના માનવામાં આવે છે પરંતુ મીડિયા રિપોર્ટ્સ અનુસાર આશુતોષ રાજ્યસભામાં નહીં મોકલવામાં આવતા નારાજ હતા.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp