26th January selfie contest

ઘર ખરીદવું હવે સસ્તું થયું, ભારતની સૌથી મોટી બેંકે ઘટાડ્યા વ્યાજદર

PC: muzaffarpurnow.in

સ્ટેટ બેંક ઓફ ઇન્ડિયાએ મકાનો ખરીદવા માંગતા લોકો માટે સારા સમાચાર આપ્યા છે. બેંકે હોમ લોનના દરમાં 30 બેસિસ પોઇન્ટ એટલે કે 0.3 ટકાનો ઘટાડો કર્યો છે. આને લીધે લાખો એવા લોકોને લાભ થશે જે નવું ઘર ખરીદવા માગે છે. એટલું જ નહીં, બેંકે પ્રોસેસિંગ ફી સંપૂર્ણપણે માફ કરવાની જાહેરાત કરી છે. આ વ્યાજ દર આઠ મોટા શહેરોમાં હોમ લોન માટે પણ ઉપલબ્ધ રહેશે અને તે પાંચ કરોડ રૂપિયા સુધીની લોન પર ઉપલબ્ધ રહેશે. બેંક દ્વારા જારી કરાયેલા એક નિવેદનમાં કહેવામાં આવ્યું છે કે હોમ લોન પરના નવા વ્યાજ દર CIBIL સ્કોર સાથે જોડાયેલા છે અને 30 લાખ રૂપિયા સુધીની લોન માટે 6.80 ટકાથી શરૂ થાય છે, જ્યારે 30 લાખ રૂપિયાથી વધુની લોન માટેનો વ્યાજ દર 6.95 ટકાથી શરૂ થશે

બેંકે જણાવ્યું હતું કે મહિલા લોન લેનારાઓને 0.05 ટકાનો વધારાના ડિસ્કાઉન્ટ મળશે. નિવેદનમાં કહેવામાં આવ્યું છે કે, ઘર ખરીદનારાઓને આકર્ષક છૂટ આપવાના હેતુસર દેશના સૌથી મોટા ઋણદાતા એસબીઆઈએ હોમ લોન પર 30 બીપીએસ (0.30 ટકા) અને પ્રોસેસિંગ ફી પર 100 ટકા છૂટની છૂટ આપવાની જાહેરાત કરી છે. સમાચાર એજન્સી અનુસાર, બેંકના મેનેજિંગ ડિરેક્ટર (રિટેલ અને ડિજિટલ બેંકિંગ) સીએસ સેટ્ટીએ કહ્યું હતું કે, અમે સંભવિત હોમ લોન ગ્રાહકોને માર્ચ 2021 સુધીમાં છૂટ લંબાવી ખુશ છીએ.

બેંકે કહ્યું હતું કે પાંચ કરોડ રૂપિયા સુધીની લોન માટે આઠ મહાનગરોમાં પણ 0.30 ટકા સુધીની વ્યાજની છૂટ છે. નિવેદનમાં કહેવામાં આવ્યું છે કે ગ્રાહકો સરળતાથી યોનો એપ્લિકેશન દ્વારા ઘરે બેઠા અરજી કરી શકે છે અને 0.05 ટકાની વધારાની વ્યાજ રાહત મેળવી શકે છે. ઉલ્લેખનીય છે કે મંદીમાં જકડાયેલી અર્થવ્યવસ્થાને ગતિ આપવા માટે કેન્દ્ર સરકાર દ્વારા બેંકોને વ્યાજદર ઘટાડા માટે સતત દબાણ કરવામાં આવી રહ્યું હતું એવામાં SBI દ્વારા કરવામાં આવી રહેલો ઘટાડો એ ગ્રાહકો માટે સારાં સમાચાર બનીને આવ્યા છે.

આ પહેલા કેન્દ્ર સરકારે આત્મનિર્ભર ભારત યોજના હેઠળ બેેંકોને લોકોને કામ ધંધાના હેતુ લોન આપવા માટે કેમ્પ લગાવાનું કહ્યું હતું. જો કે, એ યોજના ખાસ કોઇ અસર કરી શકી નથી એવામાં રિયલ એસ્ટેટને ગતિ આપવા માટે હવે બેંકો અને ફાયનાન્શિયલ કંપનીઓને વ્યાજદર ઘટાડવા માટે કહેવામાં આવી રહ્યું છે. 

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp