26th January selfie contest

સંબંધોને મજબૂત બનાવવા માટે રાખો આ બાબતોનું ધ્યાન

PC: jobvacanciesdubai.com

ફિલ્મોમાંથી આપણે ઘણુ બધુ શીખીએ છીએ અને જ્યારે પ્રેમની વાત આવે છે, તો વિચારીએ છીએ કે તેમની સાથે પણ કંઈક ફિલ્મી જ થાય. પરંતુ હકીકતમાં તે કેટલું કામ કરે છે એ સૌથી મોટી વાત છે. ઘણા લોકો એવા હોય છે, જેઓ ઈચ્છતા હોય છે કે, લાઈફમાં કોઈ એવું આવે, જેની સાથે આખી જિંદગી વિતાવી શકાય. પરંતુ આજના સમયમાં આવા લોકો ખૂબ જ ઓછાં મળે છે અને જેમને મળે છે, તેમનું જીવન આ રીતે જ ચાલ્યા કરે તેવી આપણે પ્રાર્થના કરતા હોઈએ છીએ. પરંતુ, હવે વાત કરીએ એ બાબતની જે તમારા રિલેશનને લાંબા સમય સુધી ટકાવી રાખી શકે છે. અહીં આવી જ કેટલીક ટિપ્સ આપી છે જેને અનુસરીને તમે તમારા રિલેશનને ટકાવી રાખી શકશોઃ

લાઈફ પાર્ટનર

રિલેશન લાંબા સમય સુધી ન ચાલવા પાછળનું કારણ તે બંને વચ્ચે કોઈપણ બાબતે સામ્યતા ન હોવી. તમારી વિચારસરણી કંઈક અલગ અને તમારા પાર્ટનરની વિચારસરણી કંઈક અલગ. એવામાં તમે અથવા તમારા પાર્ટનર જેવા બનવાનો પ્રયત્ન કરો અથવા તમારી વિચારસરણી સાથે સમાનતા ધરાવતા પાર્ટનરની પસંદગી કરો.

પ્રેમનો હંમેશાં ઈઝહાર કરો

કોઈની પણ સામે પોતાના પ્રેમને વ્યક્ત કરવો એ ખરાબ બાબત નથી. તમે તમારા પાર્ટનરને પોતાનો પ્રેમ દર્શાવવાનો કોઈ મોકો ન છોડો. તમે બહાર હોવ તો પાર્ટનરનો હાથ પકડીને ચાલો, તેની કાળજી રાખો. આવી નાની-નાની બાબત તમારા સંબંધને વધુ મજબૂત બનાવશે.

માફ કરતા શીખો

આજના સમયમાં વિશ્વાસ રાખવાની સાથોસાથ માફ કરવું પણ એટલું જ જરૂરી છે. માફી આપવાથી તમારો સંબંધ વધુ મજબૂત બનશે. આથી પોતાના રિલેશનમાં વિશ્વાસને જગ્યા આપો. જો વિશ્વાસ હશે તો તમે આપોઆપ માફ કરતા શીખી જશો.

પોઝિટીવ વિચાર

કહેવાય છે કે, સમયની સાથે વિચારોમાં પરિવર્તન આવે છે. એવામાં તમે તમારા પાર્ટનર વિશે ઘણું બધું વિચારવા માંડો છો. જેને કારણે સંબંધોમાં તણાવ પેદા થશે. આવું ન થાય તે માટે તમારા રિલેશનને લઈને હંમેશાં સકારાત્મક રહો. તેમજ જો તમારા પાર્ટનરના મગજમાં કંઈક ખોટું ચાલી રહ્યું હોય તો તે વિશે ખુલીને વાત કરો.

સાથે ક્વોલિટી ટાઈમ સ્પેન્ડ કરો

આજના સમયમાં સંબંધ તૂટવાનું કારણ સમયનો અભાવ પણ બની રહ્યું છે. ભાગદોડભર્યા જીવનમાં આપણે એટલા બિઝી થઈ જઈએ છીએ કે આપણે એ વાત ભૂલી જ જઈએ છીએ કે આપણી એક પ્યારી પાર્ટનર પણ છે, જે તમારી રાહ જોઈ રહી હશે. એક મજબૂત સંબંધ માટે તમારા પાર્ટનરને થોડો સમય જરૂર આપો, જે માત્ર તમારા બંનેનો જ હોય.

 

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp