26th January selfie contest

Hero Splendor iSmart બાઈક BS6ની સાથે લોન્ચ, જાણો કિંમત અને ફિચર

PC: tosshub.com

Hero MotoCorpએ તેની લોકપ્રિય બાઈક Hero Splendorને BS6 એન્જિનની સાથે Splendor iSmart એવા નવા અવતારમાં લોન્ચ કરી દીધી છે. આ નવી બાઈકમાં કંપનીએ અમુક ખાસ ફિચર્સ પણ સામેલ કર્યા છે. સાથે જ તેમાં માઈલેજ વધારવા માટે પણ ખાસ ફિચર સામેલ કર્યું છે. કંપનીએ આ બાઈકને ડિજિટલ પ્લેટફોર્મ પર લોન્ચ કરી છે.

કિંમતઃ

આ બાઈકની શરૂઆતની કિંમત 64,900 રૂપિયા નક્કી કરવામાં આવી છે.

કંપનીએ દાવો કર્યો છે કે, બાઈક 44 ટકા ઓછું કાર્બન મોનોક્સાઈડનું ઉત્સર્જન કરશે. આ સાથે તેમાં ફ્યૂઅલ એન્જેક્શન ટેક્નોલોજીનો ઉપયોગ કરવામાં આવ્યો છે , જે બાઈકને સારી માઈલેજ આપશે. હાલમાં જ આ બાઈકને BS6 સર્ટિકફિકેટ મળ્યું હતું.

એન્જિનઃ

કંપનીએ આ બાઈકમાં હાલના મોડલની સરખામણીમાં મોટા એન્જિનનો પ્રયોગ કર્યો છે. બાઈકમાં 113.2ccની ક્ષમતાનું એન્જિન વાપરવામાં આવ્યું છે. જ્યારે સ્ટાર્ન્ડડ મોડલમાં કંપનીએ 109.15ccની ક્ષમતાના એન્જિનનો ઉપયોગ કર્યો હતો. પણ ધ્યાનની વાત તો ઓ છે કે, એન્જિનની કેપેસિટી વધારવા છતાં પણ તેમાં પાવર મોજૂદ મોડલથી ઓછો જ રહેશે.  હાલના મોડલનું સ્ટાર્ન્ડડ મોડલવાળું એન્જિન 9.5hpનું પાવર જનરેટ કરે છે, જ્યારે નવું BS6 એન્જિન 9.1hpનું પાવર આઉટપુટ જનરેટ કરે છે.

નવા Splendor iSmart BS-6માં કંપનીએ ગ્રાઉન્ડ ક્લિયરન્સને પ્રોત્સાહન આપ્યું છે. આ ગ્રાઉન્ડ ક્લીયરન્સને 15mm સુધી વધારીને 180mm કરી દેવામાં આવ્યું છે. જોકે, કંપનીએ દાવો કર્યો છે કે, આ બાઈક પાછલા મોડલની સરખાણીમાં 10 ટકા સુધી વધુ ટોર્ક પ્રદાન કરશે.

કલરઃ

આ બાઈક ત્રણ કલર ઓપ્શનમાં મળશે. રેડ, બ્લૂ અને ગ્રે. કંપનીએ આ બાઈક માટે ડૂન મહિનામાં ICAT પાસેથી BS6 સર્ટિફિકેટ હાંસલ કરી લીધું હતું. આ સર્ટિફિકેટ હાંસલ કરનારી તે દેશની પહેલી કંપની બંની ગઈ હતી.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp