26th January selfie contest

Xiaomi ભારતમાં 20 મેના રોજ લોન્ચ કરશે 48 મેગાપિક્સલનો Redmi Note 7S સ્માર્ટફોન

PC: indiatoday.com

ચીની સ્માર્ટફોન મેકર Xiaomi ભારતમાં 20 મેના રોજ Redmi Note 7S લોન્ચ કરશે. આ અગાઉ ફેબ્રુઆરીમાં Redmi Note 7 અને Redmi Note 7 Pro લોન્ચ કરવામાં આવ્યો હતો. આ સ્માર્ટફોન્સની સફળતાને જોતા જ કદાચ કંપની હવે Redmi Note 7S લોન્ચ કરવાની તૈયારીમાં છે. Xiaomiના જણાવ્યા અનુસાર, Redmi Note 7Sમાં 48 મેગાપિક્સલનો કેમેરો હશે. જોકે, Redmi Note 7 Proમાં પણ 48 મેગાપિક્સલનો જ રિયર કેમેરો આપવામાં આવ્યો છે.

હાલમાં જ ચીનમાં Redmi Note 7ને સ્પેસમાં મોકલવામાં આવ્યો હતો અને ત્યાંથી થોડાં ફોટા ક્લિક કરવામાં આવ્યા હતા. Redmi Note 7S વિશે કંપનીએ હાલ વધુ ડિટેલ્સ શેર નથી કરી. પરંતુ આ બજેટ સ્માર્ટફોન હશે અને તેમા Qualcomm Snapdragon 730 પ્રોસેસર આપવામાં આવી શકે છે. આ ઉપરાંત તેમા ટ્રિપલ રિયર કેમેરો પણ આપાવમાં આવી શકે છે.

Xiaomi અહીંથી જ અટકવાનું નથી, પરંતુ તે ટૂંક સમયમાં જ પોતાનો ફ્લેગશિપ સ્માર્ટફોન લોન્ચ કરશે, જેમાં Qualcomm Snapdragon 855 પ્રોસેસર આપવામાં આવશે. તેનું ટીઝર પણ લોન્ચ કરવામાં આવ્યું છે, પરંતુ આ ફોન K20 હશે કે POCO F2 તે હજુ સ્પષ્ટ નથી.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp